2Maû 34:24 - ÎVUKU RÎA ÛVORO MWARO

²⁴ Ngai-Mûnene, Ngai augîte nîakûrete maûndû macûku gûkû Jerusalemu na kûrî andû arîa matûûraga kuo. Nîngaatûma irumi cionthe irîa mandîke îvukuurî rîrîa rîathomerwe mûthamaki wa Juda ivinge.

2Maû 34:24 ပူးပေါင်းရင်းမြစ်များ

2Atha 21:12

kwoguo Nie, Ngai-Mûnene Ngai wa Isiraeli nîndetere Jerusalemu na Juda ûndû mûcûku nginya atî mûndû wa wonthe ûkeegua ûvoro ûcio nîakaamaka.

2Maû 34:23

Nake nîwamerire atîrî, “Ngai-Mûnene, Ngai wa Isiraeli augîte: thiîni mwîre mûndû ûcio ûramûtûmire kûrî nie atî,

Ezira 9:7

Kuuma vîndî ya methe metû ma tene nginya ûmûnthî tue nîtwîvîtie mûno. Nîûndû wa mevia metû tue, athamaki etû, na athînjîri-Ngai etû nîtûgwîte njararî cia athamaki ageni tûkaverithua na tûkaûragwa. Tûrî atave na tûgacuunwa indo cietû na nîtûregua tûconokete mûno.

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 19:3

Nîûkauga atîrî, ‘Mue athamaki a Juda na atûûri onthe a Jerusalemu ta thikîrîriani ûrîa Ngai-Mûnene, mwene vinya wonthe na Ngai wa Isiraeli arauga; nama nîngûrete mûthiro mûnene mûno vandû ava, nîguo mûndû ûrîa ûkegua ûvoro wake akamaka mûno.

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Jeremia 36:13

Nake Mikaia nîwamerire ciugo cionthe irîa eguire vîndî îrîa Baruku aathomire îvuku rîa gîkûnjo mbere ya andû onthe.

Jeremia 36:31

Na nîngamûverithia, njiarwa ciake na ndungata ciake nîûndû wa mevia mao. Nîngamaretera atûûri a Jerusalemu vamwe na andû a Juda maûndû monthe macûku marîa naaririe îgûrû rîao na makîrega kwîgua.”

Jeremia 6:19

We nthî thikîrîria! Nîngûretera andû aya mûthiro, ûrî maciaro ma mîvango yao mîcûku. Nîûndû nîmaregete kûnthikîrîria, na makarega watho wakwa.

Ezek 33:10

“We mûndû îra andû a Isiraeli marauga atî, ‘Tûrî aritûvîre nî mavîtia na mevia metû na nîmo maratûthiria. Tûngîtûûra mwoyo atîa?’

Ezek 4:17

Ngeka ûguo nîguo mature irio cia kûrîa na mature manjî ma kûnyua. Wa mûndû agaacûthagîrîria ûrîa wîngî amakîte na nîmakaathira vinya nîûndû wa mevia mao.”

Alawi 26:14

Ngai-Mûnene nîwerire andû a Isiraeli atîrî, “Mwarega kûnthikîrîria na mwathîkîre Maathani makwa,

Alawi 26:39

Andû enyu anini arîa magaatigara nî makoorera mavûrûrirî ma nthû cienyu nîûndû wa mevia mao na mevia ma methe mao.

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”