2Maû 34:14 - ÎVUKU RÎA ÛVORO MWARO

¹⁴ Vîndî îrîa Alawi maarutaga mbeca irîa ciavirîtwe hekarûrî, mûthînjîri-Ngai Hilikia nîwonire îvuku rîa Watho wa Ngai-Mûnene rîrîa rîavecanîtwe kûvîtûkîra kûrî Musa.

2Maû 34:14 ပူးပေါင်းရင်းမြစ်များ

2Atha 18:18

Rîrîa maatûmanîre mûthamaki Hezekia, ndungata ciake ithatû nîcio ciathiîre kûrî o. Nacio ciarî: Eliakimu mûvîcî wa Hilikia, ûrîa wamenyagîrîra mûciî wa mûthamaki, Shebuna, mwandîki na Joa mûvîcî wa Asafu, ûrîa warî mûmenyereri wa mandîko.

2Maû 12:1

Rehoboamu arîkia kwîvanda waro na ûthamaki wake ûkîgîa na vinya, ke vamwe na andû onthe a Isiraeli arîa aarî nao nîmaatiganîrie watho wa Ngai-Mûnene.

2Maû 31:4

Mûthamaki nîwathire andû arîa maatûûraga Jerusalemu mave athînjîri-Ngai na Alawi gîcunjî kîrîa maagîrîrwe nî kûvewa nîguo wanao merutîre viû kûvingia watho wa Ngai-Mûnene.

2Maû 34:15

Hilikia nîwerire Shafani, mwandîki atîrî, “Nînona îvuku rîa Watho hekarûrî.” Nake Hilikia nîwanengere Shafani îvuku rîu.

2Maû 34:9

Nîmaathiîre kûrî Hilikia, Mûthînjîri-Ngai mûnene na makîmûvirîra mbeca irîa Alawi arîa maarî arangîri a ivingo maûnganîtie kuuma kûrî andû a Manase, Efiraimu na kuuma kûrî andû onthe a Isiraeli arîa maatigarîte, kuuma kûrî andû onthe a Juda, Benjamini na andû arîa maatûûraga Jerusalemu.

2Maû 35:26

Maûndû mengî monthe marîa Josia eekire arî mûthamaki na ciîko ciake mbaro kûringana na ûrîa kwandîkîtwe wathorî wa Ngai-Mûnene,

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Thaburi 1:2

Vandû va ûguo, nîakenaga nî watho wa Ngai-Mûnene, na ageciria îgûrû rîa guo ûtukû na mûthenya.

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 5:24

Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Jeremia 8:8

Mûngîvota atîa kuga, ‘Tûrî aûgî, na nîtûrûmagîrîra watho wa Ngai-Mûnene,’ nwatî taroriani mawatho nîmagarûre nî andîki maarûa, matarî evokeku nîmagarûrîte watho wakwa.

Alawi 10:11

Nwanginya mûthomithie andû a Isiraeli mawatho monthe marîa nîmwîrîte kûvîtûkîrîra kûrî Musa.”

Alawi 26:46

Mama nî mawatho, irîra na maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 8:36

Kwoguo Aroni na avîcî ake nîmeekire maûndû monthe marîa Ngai-Mûnene amaathîte kûvîtûkîrîra kûrî Musa.

Luka 2:39

Rîrîa Josefu na Mariamu maarîkirie gwîka maûndû monthe marîa maathîtwe nî Watho wa Mwathani, nîmaacokire îtûûrarî rîao rîa Nazarethi, vûrûrirî wa Galili.

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.