2Maû 33:9 - ÎVUKU RÎA ÛVORO MWARO

⁹ Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

2Maû 33:9 ပူးပေါင်းရင်းမြစ်များ

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

1Atha 15:26

Nîwekire maûndû macûku mbere ya Ngai-Mûnene, na akîrûmîrîra mîtugo mîcûku ya îthe, na mevia make magîtûma Aisiraeli mevie.

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 23:26

Nwatî kûnarî ûguo, Ngai-Mûnene ndaathiria ûrûrû wa marakara make nîûndû wa Juda, marîa maaumanîte na ûrîa mûthamaki Manase eekîte.

2Maû 28:19

Ngai-Mûnene nîwaretithîrie andû a Juda thîna nîûndû Ahazi, mûthamaki wa Isiraeli nîwatûmîte andû a Juda mevie na ndaarî mwîvokeku kûrî Ngai-Mûnene.

2Maû 33:10

Ngai-Mûnene nîwakaanirie mûthamaki Manase na andû ake, nwatî matiamûthikîrîria.

2Maû 33:2

Nîwekire maûndû macûku mbere ya Ngai-Mûnene. Nîwarûmîrîre mîtugo mîcûku ya mavûrûri marîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

2Maû 33:8

Ndikaareka andû a Isiraeli mengatwa kuuma vûrûrirî ûyû neerîre methe mao rîngî, ethîrwa nîmakaarûmîrîra na kinyi maûndû monthe megiî mawatho monthe na matuîro ma ciira marîa namaathire kûvîtûkîrîra kûrî Musa.”

Nthi 29:12

Mûthamaki angîthikagîrîria maûndû ma maveeni, anene ake onthe matuîkaga aganu.

Ezek 5:7

Kwoguo, thikîrîriani ûrîa Ngai-Mûnene ekuga. Mûrî aremi gûkîra mavûrûri marîa mamûthiûrûrûkîrîtie. Nîmûregete kûrûmîrîra irîra ciakwa na matuîro makwa ma ciira, mûkîrûmîrîra mîtugo ya mavûrûri marîa mamûthiûrûrûkîrîtie.

Alawi 18:24

“Mûtigecûkangie na ûndû wanarî ûmwe wa mama, nîûndû andû a ndûrîrî, na nîo nîrengata nîguo mûthiî mûgatûûre kuo, meecûkangirie na maûndû mama.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Gûco 2:21

Andû acio maarî eengî na maarî na vinya na araca ta Anaki. Nwatî Ngai-Mûnene nîwamathiririe, nao Aamoni nîmoocire vûrûri ûcio na magîtûûra kuo.

Josh 24:8

Nînaacokire ngîmûreta vûrûrirî wa Amori arîa maatûûraga mwena wa îrathîro wa rûnjî rwa Jorodani. Nîmwarûire nao na nînaamûvotithirie kûmavoota. Nîmwegwatîre vûrûri wao ûgîtuîka wenyu na nînaamacûkangagia wa ûrîa mwathiîcaga na mbere.