2Maû 33:18 - ÎVUKU RÎA ÛVORO MWARO

¹⁸ Maûndû mengî marîa Manase eekire vîndî îrîa aarî mûthamaki, mavoya make kûrî Ngai wake na ciugo cia mwoni wa maûndû ûrîa wamwarîrie rîîtwarî rîa Ngai-Mûnene Ngai wa Isiraeli, nîmandîke îvukuurî rîa maûndû ma tene ma Athamaki a Isiraeli.

2Maû 33:18 ပူးပေါင်းရင်းမြစ်များ

1Atha 11:41

Maûndû marîa mengî monthe marîa Solomoni eekire, vamwe na ûûgî wake, nîmandîke îvukuurî rîa maûndû ma tene ma Solomoni.

1Atha 14:19

Maûndû marîa mengî monthe marîa Jeroboamu eekire, mbaara irîa aarûire na ûrîa aathanire, nîmandîke Îvukuurî rîa Maûndû ma Tene ma Athamaki a Isiraeli.

1Atha 15:31

Maûndû marîa mengî monthe marîa Nadabu eekire nîmandîke îvukuurî rîa maûndû ma tene ma Athamaki a Isiraeli.

2Atha 17:13

Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”

2Maû 20:34

Maûndû mau mengî marîa mûthamaki Jehoshafati eekire kuuma Kîammbîrîria nginya mûthiia nîmandîke rûganorî rwa Jehu, mûvîcî wa Hanani. Na nîmandîke îvukuurî rîa maûndû ma tene ma athamaki a Isiraeli.

2Maû 21:2

Jehoramu mûvîcî wa Jehoshafati, mûthamaki wa Juda aarî na aa mûrwang'ina atandatû. Nao meetagwa Azaria, Jehieli, Zekaria, Azaria, Mikaeli, na Shefatia.

2Maû 32:32

Maûndû marîa mengî monthe marîa Hezekia eekire na ciîko ciake mbaro nîmandîke cionekirî cia mûrathi Isaia mûvîcî wa Amozu, îvukuurî rîa athamaki a Juda na a Isiraeli.

2Maû 33:10

Ngai-Mûnene nîwakaanirie mûthamaki Manase na andû ake, nwatî matiamûthikîrîria.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

Isaia 29:10

Nîûndû Ngai-Mûnene nîatûmîte mûnyitwe nî toro na mûmame toro ndito; nîavingîte metho menyu mue arathi, na nîakunîkîte ciongo cienyu, mue oni a maûndû.

Isaia 30:10

Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Amosi 7:12

Amazia nîwacokire akîîra Amosi atîrî, “We Mûrathi, uma gûkû ûthiî vûrûri wa Juda, ûrîcage irio kuo na ûrathage maûndû ûrî kuo.

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

1Sam 9:9

Mbererî vûrûrirî wa Isiraeli mûndû akîthiî kûria ûndû kûrî Ngai augaga atîrî, “Ûka tûthiî tûkone mwoni maûndû” nîûndû mûndû ûrîa wîtagwa mûrathi, tene etagwo mwoni maûndû.