2Maû 33:16 - ÎVUKU RÎA ÛVORO MWARO

¹⁶ Nîwacokire agîtuma metha ya kîgongoona ya Ngai-Mûnene na akîrutîra magongoona ma thayû na ma gûcokia ngatho îgûrû rîayo. Nîwacokire akîatha andû onthe a Juda magooce Ngai-Mûnene, Ngai wa Isiraeli.

2Maû 33:16 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

1Atha 18:30

Elija nîwacokire akîra andû onthe atîrî, “Ûkani vakuvî nanie.” Nao andû onthe nîmaathiîre vakuvî nake. Elija nîwatumire rîngî metha ya kîgongoona ya Ngai-Mûnene îrîa yamomoretwe.

2Maû 14:3

Nîwarutire metha cia kîgongoona irîa ciarî ng'eni kûu vûrûrirî na kûndû kûrîa gûtûgîru kwagoocagîrwa ngai cia mîvuanano. Nîwaunangire itugî cia mathiga na akiunanga mîvuanano ya Ashera, ngai ya mûndûmûka.

2Maû 14:4

Mûthamaki Asa nîwathire andû a Juda mekage wendi wa Ngai-Mûnene, Ngai wa methe mao na maathîkagîre mawatho na maathani make.

2Maû 29:18

Alawi nîmaacokire makîthiî kûrî mûthamaki Hezekia na makîmwîra atîrî, “Nîtûratheririe hekarû yonthe, Metha ya kîgongoona ya kûrutîra matega ma kûvîvua na indo cionthe ciayo, na metha îrîa igagwa mîgate îrîa mîamûre na indo cionthe ciayo.

2Maû 29:31

Mûthamaki Hezekia nîwacokire akiuga atîrî, “Rîu nîmwetheria mbere ya Ngai-Mûnene, kuvîvîriani hekarû mûrete magongoona na matega ma gûcokia ngatho kûrî Ngai-Mûnene.” Andû onthe nîmaavirire magongoona na matega ma gûcokia ngatho, na engî nîmaaretire matega ma kûvîvua na njîra ya kwîyendera.

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

2Maû 33:9

Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

Luka 22:32

Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”