2Maû 33:12 - ÎVUKU RÎA ÛVORO MWARO

¹² Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

2Maû 33:12 ပူးပေါင်းရင်းမြစ်များ

2Maû 12:7

Rîrîa Ngai-Mûnene oonire atî nî meenyivîtie, nîwaririe na mûrathi Shemaia rîngî na akîmwîra atîrî, “Nîûndû andû acio nîmetîkîrîte mevia mao, tînîmacûkangia, nwatî nî ngûmavonokia. Shishaki tîaverithia Jerusalemu nîûndû wa marakara makwa.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 15:4

Nwatî vîndî ya thîna, nîmaagarûrûkagîra Ngai-Mûnene, Ngai wa Isiraeli. Nîmaamûcaragia na makamwona.

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

2Maû 28:5

Kwoguo Ngai-Mûnene, Ngai wake nîwamûrekererie na akîvootwa nî mûthamaki wa Sîria. Mûthamaki wa Sîria nîwacokire akînyita andû eengî a Juda na akîmavira Damesiki marî mîgwate. Mûthamaki Ahazi nwa warekererue kûrî mûthamaki wa Isiraeli, ûrîa wamûvootire na akîûraga andû eengî mûno a Juda.

2Maû 32:26

Nwatî Hezekia na andû a Jerusalemu nîmaaverire magîtiga gwîtîîa, kwoguo Ngai-Mûnene ndaaverithia andû a Jerusalemu Hezekia arî mwoyo.

2Maû 33:23

Ndenyivia mbere ya Ngai-Mûnene ta ûrîa îthe Manase eekîte, nwatî nîwevirie mûno makîria ya îthe.

2Maû 34:27

nîûndû nîûreririre na wenyivia mbere ya Ngai rîrîa ûregwire ciugo ciake ciîgiî kûndû gûkû na andû arîa matûûraga kuo, nîûrenyivirie mbere yakwa, na mwatembûranga nguo ciaku nîûndû wa kîeva na ûkîndîrîra, wananie nînegua mavoya maku.

Thaburi 118:5

Nîrî mînyamaarorî nînavoire Ngai-Mûnene; nîwegwire mavoya makwa na akîmvonokia.

Thaburi 120:1

Rîrîa naarî mathînarî nînakaîre Ngai-Mûnene, nake akîmbîgua.

Thaburi 130:1

We Ngai-Mûnene nîragûkaîra nîûndû wa mathîna meengî marîa nîrî namo.

Thaburi 130:2

We Ngai-Mûnene, îgua mûgambo wakwa, nthikîrîria ngîgûkaîra!

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Danieli 4:36

Narîkia gûcokerwa nî meciria makwa, nînagîre ngumo nene, wathani na riiri rîngî. Atongoria na athani a vûrûri wakwa nîmaaûkire kûnjaria na ngîcokua ûthamakirî wakwa rîngî, na ngîgîa vinya wa wathani wana gûkîra mbere.

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Jona 2:2

na akiuga atîrî, “Rîrîa naagiîkaga, nînaagwîtire we Ngai-Mûnene, na nîwandethirie. Rîrîa naarî îvurî rîa arîa akuû, nînetanire na ûkîmbîgua.

Mika 6:9

Ngai-Mûnene nî areta andû arîa matûûraga îtûûrarî na nîkwagîrîrîte mwîtigîre rîîtwa rîake; ke arauga atîrî: Tathikîrîriani mue mûgomanîte îtûûrarî!

Ciîko 9:11

Nake Mwathani nîwamwîrire atîrî, “Ûkîra ûthiî njîrarî Nûngarû, na wona wakinya mûciî kwa Judasi, ûrîrîrie mûndû ûmwe wa kuuma îtûûrarî rîa Tarishisi wîtagwa Saûlo. Rîu ke arî kûu akîvoya,

Jakuvu 4:10

Îînyivieni mbere ya Mwathani, nake nîakûmûnenevia.