2Maû 33:11 - ÎVUKU RÎA ÛVORO MWARO

¹¹ Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

2Maû 33:11 ပူးပေါင်းရင်းမြစ်များ

2Atha 20:18

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

2Atha 21:17

Maûndû mengî monthe marîa Manase eekîre, vamwe na mevia marîa eekire nîmandîke Îvukuurî rîa Maûndû ma Tene ma Athamaki Juda.

2Atha 23:33

Neko mûthamaki wa Misiri nîwamûvirire Ribula vûrûrirî wa Hamathi arî mûgwate, nîguo ndakathiî na mbere kwathana arî Jerusalemu. Mûthamaki Neko nîwatûmire vûrûri wa Juda ûrute gooti ya kilo ngiri ithatû na magana mana (3,400) cia sîlûva na kilo mîrongo îthatû na inya (34) cia thaavu.

2Atha 25:6

Athigari acio nîmaanyitire Zedekia na makîmûvira kûrî mûthamaki Nebukadinezarû, ûrîa vîndî îo warî îtûûrarî rî Ribula. Nebukadinezarû nîwamûtuîrîre arî kûu.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 21:16

Ngai-Mûnene nîwatûmire Afilisiti na Arabu arîa maatûûraga vakuvî na Ethiopia marakarue nî Jehoramu.

2Maû 36:6

Nebukadinezarû, mûthamaki wa Babuloni nîwamûtharîkîre na akîmûnyita akîmûvira Babuloni amwovete na mvîngû.

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Nehemia 9:37

Ûtonga wa vûrûri ûyû ûthiîcaga kûrî athamaki arîa waigire matwathage, nîûndû tue nîtwevirie matwîkaga wa ûrîa makwenda vamwe na ndîthia cietû. Tûrî na thîna nyîngî mûno!”

Ayubu 12:18

Nîarutaga athamaki nguo cia ûnene, na akamatua ta ngombo.

Isaia 10:8

Etîîaga akiugaga atîrî, “Kinthî atongoria a athigari akwa onthe tî athamaki?

Isaia 36:9

We ûngîvota kwîgananua atîa wanarî na mûnene ûrîa mûnini mûno gatagatîrî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Maca 3:7

Anthaîkîte na nyororo ndito, nîrî njeera kûndû ndangîvota kwîruta.

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;