Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Maû 32:8 - ÎVUKU RÎA ÛVORO MWARO

8 Ke arî na vinya wa ûûmûndû tu, nwatî tue tûrî na Ngai-Mûnene, Ngai wetû wa gûtûtethia na gûtûrûîrîra.” Nao andû nîmaaûmîrîrue nî ciugo icio cia Hezekia, mûthamaki wa Juda.

အခန်းကိုကြည့်ပါ။ ကော်ပီ




2Maû 32:8
35 ပူးပေါင်းရင်းမြစ်များ  

Hezekia nîwetîkîtie Ngai-Mûnene, Ngai wa Isiraeli. Kûu Juda gûtiarî kwanagîa mûthamaki wîngî wekariî take gatagatîrî ka athamaki onthe arîa maarî mbere yake, wana kana arîa maatuîkire athamaki vuva wake.


Nake Elisha nîwamûcokerie atîrî, “Mûtikamake; nîûndû tûrî engî kûrî o.”


Nîmaaûragire andû a Hagiri eengî nîûndû nîmaatethagua mbaararî nî Ngai. Nao nîmaatûûrire vûrûrirî ûcio nginya rîrîa maavirirwe îthamîriorî.


Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”


Asa nîwathiîre nîguo makarûe na Zera. Nao oîrî nîmaavangire athigari ao mang'ethanîrîte Kîamndarî Kîam Zefatha vakuvî na Maresha.


Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”


Kavindarî wa kau, mûrathi Hanani nîwathiîre kûrî mûthamaki Asa na akîmwîra atîrî, “Nîûndû we ûronire atî nwa wîvokire mûthamaki wa Sîria gûkîra kwîvoka Ngai-Mûnene, Ngai waku, athigari a mbaara a mûthamaki wa Sîria nîmagûtiganîria.


Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.


Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”


Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”


Mûtikareke Hezekia amûveenie kana amûvîtithie na njîra ta îo. Mûtikamwîtîkie nîûndû gûtirî ngai ya vûrûri wanarî ûrîkû kana ûthamaki ûrîkû yanavota kûvonokia andû a yo kuuma kûrî nie kana kuuma kûrî methe makwa. Ngai ûcio wenyu angîmûvonokia kuuma kûrî nie atîa!”


We wî vinya ta nie? Wavota kûruruma na mûgambo ta wakwa?


Nîkava kwîthitha kûrî Ngai-Mûnene gûkîra kwiga mwîvoko kûrî mûndû.


Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.


Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.


Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.


Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.


Gûtangîka ngororî nîgûtûmaga mûndû athirwe nî gîkeno, nwatî kiugo Kîamro nîgîtûmaga mûndû akene.


Wa ûrîa Ngai-Mûnene akaamaringa akîmaverithia, nwaguo andû ake makaavûraga tamburini na ngita. Ngai ke mwene nîke ûkaarûa na Asîria.


Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.


Îîmenyerereni Hezekia ndakamûvîtithie akîmwîraga, atî Ngai-Mûnene nîagaatûvonokia. Kûrî ngai wanarî îmwe gatagatîrî ka ngai cia mîvuanano cia mavûrûri yanavonokia vûrûri wao kuuma kûrî mûthamaki wa Asîria?


Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.


Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.


Ngai-Mûnene arauga atîrî, “Kûgwatwa nî kîrumi nî mûndû ûrîa wîvokaga mûndû, na akevoka vinya wake wa mwîrî, na ûrîa ngoro yake îreganîte na Ngai-Mûnene.


Mûtigetigîre mûthamaki wa Babuloni ûrîa mwîtigagîra; mûtikamwîtigîre wana vanini; ûguo nîguo Ngai-Mûnene arauga. Nie nîrî vamwe namue nîguo nîmûvonokie na nîmûtethûre kuuma kûrî ke.


Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”


Nie nîrî vamwe nawe, na gûtirî mûndû wana ûmwe ûgûkûtharîkîra agwîke naaî, nîûndû andû eengî îtûûrarî rîîrî nî akwa.”


“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.


akameera, ‘Tathikîrîriani mue andû a Isiraeli! Ûmûnthî nîmûkûthiî kûrûa na nthû cienyu. Mûtikathirwe nî vinya ngoro kana mwîtigîre kana mûtetema kana mûmakue nî o.


Ngai-Mûnene Ngai wenyu nîke ûkaamûrûagîrîra kûrî nthû cienyu na akamûva ûvootani.’


Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.


Nî mwakethua nî Eubulu, Pundeni, Linaisi Kilaudia na ariû na aarî a îthe wetû. Mwathani nîekare nawe. Wega wa Ngai ûrekara namue.


Joshua nîwavootire athamaki acio onthe na mavûrûri mao na mbaara ya riita rîmwe nîûndû Ngai-Mûnene, Ngai wa Isiraeli nîke wamarûagîrîra.


Nwatî mue ciana ciakwa mûrî a Ngai, na nîmûvootete arathi a maveeni. Nîûndû Roho ûrîa mûrî naguo ûrî na vinya gûkîra roho ûrîa wîthagîrwa ûrî gûkû nthî.


Daudi nîwerire Goliathu atîrî, “We ûkîte kûrî nie na rûviû rwa njûra, îtumû na îtumû rîa gwikia, nwatî nie nîmbûka kûrî we na rîîtwa rîa Ngai-Mûnene mwene vinya wonthe, na nîke Ngai wa athigari a Isiraeli ûrîa we ûnyararithîtie.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ