2Maû 32:28 - ÎVUKU RÎA ÛVORO MWARO

²⁸ Nîwatumithîtie kûndû gwa kwiga maketha ma mîgûnda, ndivei, maguta, njaga cia ng'ombe na cia ng'ondu.

2Maû 32:28 ပူးပေါင်းရင်းမြစ်များ

Kîam 49:14

“Isakaru nî ta mvunda îrî vinya, îmamaga îîtambarûkîtie gatagatî ka mîrigo yayo.

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 4:26

Solomoni aarî na inyomba ngiri mîrongo îna (40,000) cia mbarathi cia gûkururia ikaari na andû ngiri îkûmi na igîrî (12,000) arîa maathiîcaga matûîte mbarathi.

2Maû 26:10

Wana nîwatumire nyomba ndaca werûrî na akînja iriko nyîngî cia manjî kuo nîûndû aarî na ndîthia nyîngî kûu Shefela na kûndû kûrîa kwarî kwaraganu. Aarî na andû maarutaga wîra mîgûndarî ya mîthavibu irîmarî na kûndû kûrîa kwarî kûnoru nîûndû nîwendeete kûrîma mûno.

2Maû 32:27

Mûthamaki Hezekia nîwatongire mûno na andû onthe nîmaamûvete gîtîîo. Nîwatumithîtie nyomba nyîngî cia kwiga ûtonga wake wa sîlûva, thaavu, mathiga ma goro, mînyamû mînungi waro, ngo na indo ciîngî cia goro cia mîthemba yonthe.

2Maû 32:29

Hezekia nîwatumire matûûra meengî na akîgîa na ndîthia nyîngî ya ng'ombe na ng'ondu nîûndû Ngai nîwamûrathimîte na indo nyîngî mûno.