2Maû 32:12 - ÎVUKU RÎA ÛVORO MWARO

¹² Kinthî Hezekia ûyû twake womomorire kûndû kûrîa kwagoocagîrwa ngai cia mîvuanano na akiunanga metha cia magongoona, agîcoka akîatha andû a Juda na a Jerusalemu magoocage na mavîvagîrie magongoona metharî îmwe tu ya kîgongoona?

2Maû 32:12 ပူးပေါင်းရင်းမြစ်များ

1Atha 7:48

Solomoni nîwarûthire indo cionthe irîa ciarî hekarûrî na thaavu, nacio ciarî: metha ya kîgongoona, metha îrîa yaigagîrîrwa mîgate îrîa yarutagîrwa Ngai-Mûnene,

2Atha 18:22

“Nwatî mûngîmbîra atî mwîvokete Ngai-Mûnene Ngai wetû, menyani atî Hezekia nîwacûkangirie kûndû kûrîa gûtûgîru kûrîa Ngai-Mûnene aagoocagîrwa na akîomomora metha cia kîgongoona na akîra andû a Juda na a Jerusalemu magoocagîre metharî ya kîgongoona îrîa îrî Jerusalemu.

2Atha 18:4

Nîwacûkangirie kûndû kûrîa kwagoocagîrwa ngai cia mîvuanano, nîwomomorire itugî cia mathiga, na agîtemanga mîvuanano ya ngai ya nga ya Ashera. Na nîwaunangire njoka ya gîcango tûcunjî îrîa Musa aarûthîte, îrîa yetagwa Nehushitani, nîûndû andû a Isiraeli nwa maamîvîvagîria ûbani na makamîgooca.

2Maû 30:14

Nîmaambîrîrie wîra na makîruta metha cia magongoona irîa ciarî Jerusalemu, na metha cia magongoona irîa ciavîvagîrua ûbani na magîcikia Kîamndarî gîa Kidironi.

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

2Maû 32:11

Anga tîkwa Hezekia aramûveenia nîguo atûme mûkue nî yûra na nyonda akîmwîra atî, ‘Ngai-Mûnene, Ngai wetû agaatûvonokia kuuma kûrî mûthamaki wa Asîria?’

2Maû 33:17

Kûnarî ûguo, andû nîmaathiîre na mbeere kûrutîra magongoona kûndû kûrîa kwagoocagîrwa ngai cia mîvuanano, nwatî maarutaga magongoona mau kûrî Ngai-Mûnene.

2Maû 4:1

Mûthamaki Solomoni nîwatumire metha ya kîgongoona ya gîcango ya ûraca wa mita kenda (9), na wariî wa mita kenda (9). Ûraca na wariî wayo nîcieganene. Naguo ûraca wayo na îgûrû warî wa mita inya na cendimita mîrongo îtano (4.50).

Isaia 36:7

“Nwatî ûngîmbîra atîrî, ‘Twîvokete Ngai-Mûnene Ngai wetû.’ Anga tîke mwene kûndû gwa kûgoocerwa na metha cia magongoona irîa Hezekia aacûkangirie akîûragia Juda na Jerusalemu atîrî, ‘Nîmwagîrîrwe nî kûgoocera metharî îno ya kîgongoona?’