2Maû 32:11 - ÎVUKU RÎA ÛVORO MWARO

¹¹ Anga tîkwa Hezekia aramûveenia nîguo atûme mûkue nî yûra na nyonda akîmwîra atî, ‘Ngai-Mûnene, Ngai wetû agaatûvonokia kuuma kûrî mûthamaki wa Asîria?’

2Maû 32:11 ပူးပေါင်းရင်းမြစ်များ

2Atha 18:27

Nwatî Rabushake nîwamerire atîrî, “Nîkwa mûreciria mwathi wakwa, mûthamaki aandûmire kûrî mue muenga na mûthamaki wenyu tu? Nîrarîria wana andû arîa mekarîte îgûrû rîa rûthingo arîa mûrumanîrîtue nao, arîa makaarîcaga mai mao na manyunyage maumago mao, wata ûrîa wanamue mûgeekaga.”

2Atha 18:30

Mûtigetîkîrie Hezekia atûma mwîvoke Ngai-Mûnene akîmwîra atî, mûtigecirie Ngai-Mûnene nîagûtûvonokia, na îtûûra rîîrî rînene tî rîocwa nî mûthamaki wa Asîria.

2Atha 19:10

makamwîre atîrî, “Ndûgetîkîre Ngai waku ûrîa wîvokaga îkûveenie atî, Jerusalemu tîîvootwa nî mûthamaki wa Asîria.

2Maû 32:10

“Senakeribu mûthamaki wa Asîria araûria nî ndûî mwîvokete rîu mwîkarîte Jerusalemu îtûûra rîcîgîrîrie?

2Maû 32:12

Kinthî Hezekia ûyû twake womomorire kûndû kûrîa kwagoocagîrwa ngai cia mîvuanano na akiunanga metha cia magongoona, agîcoka akîatha andû a Juda na a Jerusalemu magoocage na mavîvagîrie magongoona metharî îmwe tu ya kîgongoona?

2Maû 32:15

Mûtikareke Hezekia amûveenie kana amûvîtithie na njîra ta îo. Mûtikamwîtîkie nîûndû gûtirî ngai ya vûrûri wanarî ûrîkû kana ûthamaki ûrîkû yanavota kûvonokia andû a yo kuuma kûrî nie kana kuuma kûrî methe makwa. Ngai ûcio wenyu angîmûvonokia kuuma kûrî nie atîa!”

Thaburi 22:8

Maugaga atîrî, “Wevokire Ngai-Mûnene, nîkwa ararega gûkûvonokia nîkî? Ethîrwa Ngai-Mûnene nî akwendete, nîkwa ararega gûgûtethia nîkî?”

Thaburi 3:2

Maragia ûvoro wakwa makiugaga atîrî, “Ngai tîamûtethia.”

Thaburi 42:10

Nînîregua ruuo mûno rîrîa nthû ciakwa iranuma, vîndî cionthe ikîmbûûragia atîrî, “Ngai waku arî kû?”

Thaburi 71:11

na makauga atîrî, “Ngai nîamûtiganîrîtie; tûmûrûmîrîrie na tûmûnyite; nîûndû gûtirî na wa kûmûvonokia.”

Isaia 36:12

Nwatî Rabushake nîwamerire atîrî, “Nîkwa mûreciria mwathi wakwa, mûthamaki aandûmire kûrî mue muenga na mûthamaki wenyu tu? Naarî, nîrarîria wana andû arîa mekarîte îgûrû rîa rûthingo arîa mûtuîrîrîtwe vamwe nao, arîa makaarîcaga mai mao na manyunyage maumago mao, wata ûrîa wanamue mûgeekaga.”

Isaia 36:18

Îîmenyerereni Hezekia ndakamûvîtithie akîmwîraga, atî Ngai-Mûnene nîagaatûvonokia. Kûrî ngai wanarî îmwe gatagatîrî ka ngai cia mîvuanano cia mavûrûri yanavonokia vûrûri wao kuuma kûrî mûthamaki wa Asîria?

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”