2Maû 31:14 - ÎVUKU RÎA ÛVORO MWARO

¹⁴ Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

2Maû 31:14 ပူးပေါင်းရင်းမြစ်များ

Kîam 46:17

Avîcî a Asheri maarî: Imuna, Ishiva, Ishivi, Beria, na mwarwang'ina Sera. Avîcî a Beria maarî: Heberi na Malikieli.

1Maû 26:12

Arangîri acio magaanîtue ikundi kûringana na nyomba ciao, na maagaîrîtwe wîra wa gûtungata wata ûrîa andû acio engî ao maarî na wîra wa gûtungata hekarûrî ya Ngai-Mûnene.

1Maû 26:14

Shelemia nîwaikîrue mîtî na nîwatuîkire wa kûrangîra kîvingo Kîam mwena wa îrathîro. Nake mûvîcî Zekaria, ûrîa warî mûndû mûûgî wa gûtaarana nîwatuîkire wa kûrangîra kîvingo Kîam mwena wa rûgûrû.

1Maû 26:17

Mûthenya wa mûthenya kwethagîrwa kûrî na arangîri. Mwena wa îrathîro, wa mûthenya kwethagîrwa na arangîri atandatû (6), mwena wa rûgûrû arangîri ana (4), mwena wa îveti arangîri ana (4), nyombarî cia kwigwa indo kwarî na arangîri ana (4), wa nyomba îmwe arangîri aîrî (2) wa mûthenya.

2Maû 31:13

Nao Jehieli, Azazia, Nahathi, Asaheli, Jerimothi, Jozabadi, Elieli, Isumakia, Mahathi na Benaia maarî arûngamîrîri arîa maatethagîrîria Konania na mûrwang'ina Shimei. Andû acio îkûmi maathuurirwe nî mûthamaki Ezekia na Azaria, Mûthînjîri-Ngai mûnene.

2Maû 31:15

Edeni, Miniamini, Jeshua, Shemaia, Amaria na Shekania nîmaatethagîrîria Kore kûgaa indo icio marî na wîvokeku matûûrarî marîa mengî kûrîa athînjîri-Ngai maatûûraga. Nîmaagaagîra Alawi acio engî, arîa akûrû na arîa mataarî akûrû ûndû ûmwe.

Ezira 1:4

Ethîrwa andû ake onthe arîa matigarîte îthamîriorî nîmakenda gûcoka, andû arîa mariganîtie nao nîmakaamava ûtethio. Naguo ûtethio ûrîa makaamava nî wa sîlûva, thaavu na indo ciîngî na nyamû irîa irîthagua, wa vamwe na indo cia kûruta na njîra ya kwîyendera nîûndû wa hekarû ya Ngai îrîa îrî Jerusalemu.”

Ezira 3:5

Na vuva wa gûkûngûîra kîrugo gîa tûnyomba twa magema, nîmeethagîrwa marî na matega mengî ma kûvîvua. Matega mau maarî ma vîndî ya karûngamo ka mweri na irugo cionthe irîa ciagoocagwa Ngai-Mûnene. Na nîkwethagîrwa kûrî na matega mengî marîa andû maategagîra Ngai-Mûnene na njîra ya kwîyendera.

Ezira 7:16

Thaavu na sîlûva cionthe irîa ûkaaûngania vûrûrirî wa Babuloni nîûkaathiî nacio. Wana indo irîa andû a Isiraeli na athînjîri-Ngai makaaruta nîûndû wa hekarû îrîa îrî Jerusalemu ya Ngai wao.

Nehemia 13:13

Nînathuurire Shelemia mûthînjîri-Ngai; Zadoku, mûndû warî mûûgî maûndûrî ma Watho, na Pedaia Mûlawi matuîke arûngamîrîri a nyomba cia kwigwa indo. Nake Hanani mûvîcî wa Zakuri wa Matania atuîke wa kûmatethagia. Andû acio nîmecîkene atî nî evokeku na wîra wao warî wa kûgaîra andû ao indo.

Thaburi 119:108

We Ngai-Mûnene îtîkîra îvoya rîakwa rîa gûgûcokeria ngatho, na ûnthomithie matuîro maku ma ciira.

Alawi 2:10

Matega mau mengî magaatigara nî ma athînjîri-Ngai; nî matheru mûno nîûndû nî mamwe ma matega ma kûvîvua marîa marutîrîtwe Ngai-Mûnene.

Alawi 22:18

“Îra Aroni, avîcî ake vamwe na andû onthe a Isiraeli mawatho mama. Vîndî îrîa Mûisiraeli wa wonthe kana mûgeni ûrîa ûtûûraga kûu Isiraeli akûrutîra Ngai-Mûnene îtega rîa kûvîvua, rîrî rîa kûvingia mwîvîtwa kana rîrî îtega rîa kwîyendera,

Alawi 23:38

Ino nî irugo ciîngî kwongerera kîrîa Kîam thavatû, namo mama nî matega mengî kwongerera iveo irîa mûrutagîra Ngai-Mûnene, matega marîa mûrutaga nîûndû wa kûvingia mîvîtwa, na matega marîa mûrutaga na njîra ya kwîyendera.)

Alawi 27:28

“Gûtirî mûndû ûngîendia kana akûre kîndû kîrîa kînenganîrîtwe kûrî Ngai-Mûnene gîtuîke gîake, wana ethîrwa nî mûndû, nyamû kana mûgûnda. Kîndû kîrîa kînenganîrîtwe kûrî Ngai-Mûnene gîtuîke gîake, nî gîake viû.

Ndari 29:39

“Mama nîmo mawatho marîa megiî matega ma kûvîvua, matega ma irio cia mûgûnda, matega ma thayû, matega ma indo cia kûnyuwa, marîa mûkaarutagîra Ngai-Mûnene vîndî ya irugo cienyu wata ûrîa ivangîtwe. Mûkaarutaga matega mau vamwe na matega marîa mûrutagîra Ngai-Mûnene nîûndû wa kûvingia mwîvîtwa na matega ma kwîyendera.

Gûco 12:17

Mûtikarîe gîcunjî gîa îkûmi Kîam ngano, ndivei, maguta, marikithathi ma ndîthia yenyu ya ng'ombe kana ng'ondu, indo irîa mwîranîrîte, matega ma kwîyendera, kana matega mengî ma mûthemba wa wonthe.

Gûco 12:6

Vau nîvo mûkaaviraga matega menyu ma kûvîvua, magongoona, icunjî cienyu cia îkûmi, mîvothi yenyu, indo irîa mwîranîrîte, matega menyu ma kwîyendera, na marikithathi ma ng'ombe na ng'ondu cienyu.

Gûco 16:10

mûcoke mûkûngûîre kîrugo Kîam maketha. Rutagîrani Ngai-Mûnene Ngai wenyu matega ma kwîyendera vîndî ya kîrugo gîkî îrî njîra ya kûmûva gîtîîo, wa mûndû kûringana na ûrîa arathimîtwe.