2Maû 31:13 - ÎVUKU RÎA ÛVORO MWARO

¹³ Nao Jehieli, Azazia, Nahathi, Asaheli, Jerimothi, Jozabadi, Elieli, Isumakia, Mahathi na Benaia maarî arûngamîrîri arîa maatethagîrîria Konania na mûrwang'ina Shimei. Andû acio îkûmi maathuurirwe nî mûthamaki Ezekia na Azaria, Mûthînjîri-Ngai mûnene.

2Maû 31:13 ပူးပေါင်းရင်းမြစ်များ

1Maû 24:5

Andû maathuuragwa na njîra ya gwikîrua mîtî nîûndû kwarî na anene a hekarû na atongoria a maûndû ma Ngai kuuma njiarwarî cia Eleazaru na Ethamaru.

1Maû 9:11

Azaria mûvîcî wa Hilikia, Hilikia aarî mûvîcî wa Meshulamu, Meshulamu aarî mûvîcî wa Zadoku, Zadoku aarî mûvîcî wa Meraiothi, Meraiothi aarî mûvîcî wa Ahitubu, Ahitubu nîke warî mûnene wa hekarû.

2Maû 29:12

Nao Alawi aya marûmîrîrîte nîmaambîrîrie kûruta wîra: Kuuma mbarî ya Kohathu kwarî na Mahathi mûvîcî wa Amasai na Joeli mûvîcî wa Azaria. Kuuma mbarî ya Merari kwarî na Kishu mûvîcî wa Abudi na Azari mûvîcî wa Jehaleleli. Kuuma mbarî ya Gerishoni kwarî na Joa mûvîcî wa Zima na Edeni mûvîcî wa Joa.

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

2Maû 31:4

Mûthamaki nîwathire andû arîa maatûûraga Jerusalemu mave athînjîri-Ngai na Alawi gîcunjî kîrîa maagîrîrwe nî kûvewa nîguo wanao merutîre viû kûvingia watho wa Ngai-Mûnene.

2Maû 35:8

Anene ake wa nao nîmaarutire iveo ciao kûrî andû, athînjîri-Ngai na Alawi na njîra ya kwîyendera. Hilikia, Zakaria na Jehieli, arîa maarî arûngamîrîri a hekarû, nîmaaveere athînjîri-Ngai twori na tûtûrûme ngiri igîrî na magana matandatû (2,600), ndegwa magana mathatû (300) irî matega ma pasaka.

Nehemia 11:11

Seraia mûvîcî wa Hilikia, Hilikia mûvîcî wa Meshulamu, Meshulamu mûvîcî wa Zadoku, Zadoku mûvîcî wa Meraiothi, Meraiothi mûvîcî wa Ahitubu ûrîa warî mûnene wa nyomba ya Ngai.