2Maû 30:7 - ÎVUKU RÎA ÛVORO MWARO

⁷ Mûtigatuîke ta methe menyu na andû enyu arîa mataarî evokeku kûrî Ngai-Mûnene, Ngai wa methe mao, ûrîa wamaverithirie mûno ta ûrîa mûrona.

2Maû 30:7 ပူးပေါင်းရင်းမြစ်များ

2Maû 26:18

na makîmûgiria avîvia ûbani. Nîmaamwîrire atîrî, “Mûthamaki Uzia, ndwagîrîrwe nî kûrutîra Ngai-Mûnene îgongoona rîa kûvîvia ûbani. Ûcio nî wîra wa athînjîri-Ngai, njiarwa cia Aroni nîûndû nîo amûrîre wîra wa kûvîvia ûbani. Thiî ume vandû ava vatheru, nîûndû nîwavîtia na ûndû ûyû ndûngîkûretere kîrathimo kuuma kûrî Ngai-Mûnene, Ngai.”

2Maû 29:8

Kwoguo Ngai-Mûnene nîwarakarirue mûno nî andû a Juda na a Jerusalemu na nîamekîte ûndû wa kûmakania, ûndû ûrî na guoya na wa kînyarari wata ûrîa mûreyonera na metho menyu mue ene.

Thaburi 106:6

Tue nîtwîvîtie wata ûrîa methe metû ma tene meevirie, nîtwîvîtie na nîtwîkîte maûndû macûku.

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Ezek 20:30

Rîu aria na andû a Isiraeli ûmere Ngai-Mûnene arauga atîrî: Nîmwîcûkangia na njîra ta îrîa methe menyu mecûkangirie nayo na mûkagooce mîvuanano?