2Maû 30:5 - ÎVUKU RÎA ÛVORO MWARO

⁵ Kwoguo nîmaanîrîre Isiraeli kuonthe kuuma Beerisheba nginya Dani mathiî Jerusalemu magakûngûîre pasaka ya Ngai-Mûnene, Ngai wa Isiraeli. Andû nîmeekarîte îvinda îraca matakûngûîrîte pasaka marî eengî kûringana na ûrîa watho ugîte.

2Maû 30:5 ပူးပေါင်းရင်းမြစ်များ

Kîam 21:14

Mûthenya ûcio warûmîrîrîte kîraûko tene mûno, Iburahimu nîwavere Hagari irio, na mbooro îcûrîte manjî. Nîwacokire agîkuithia Hagari mwana na akîmwîngata. Hagari nîwathiîre akîûrûraga werûrî wa Beerisheba.

2Maû 24:9

Nîgwacokire gûkîanîrîrwa Juda na Jerusalemu kuonthe atî andû marete gooti ya Ngai-Mûnene. Musa, ndungata ya Ngai aathire andû a Isiraeli marutage gooti îo rîrîa maarî werûrî.

2Maû 30:4

Mûthamaki na andû onthe nîmoonire mûvango ûcio ûrî mwagîrîru.

2Maû 35:18

Gûtirî pasaka ta îo yarî yanakûngûîrwa kuuma vîndî ya mûrathi Samueli kûu Isiraeli. Gûtirî mûthamaki wa Isiraeli mbererî wanakûngûîra pasaka ta îo yakûngûîrwe nî mûthamaki Josia, athînjîri-Ngai, Alawi na andû onthe a Juda na Isiraeli arîa maarî vo, na andû arîa matûûraga Jerusalemu.

2Maû 36:22

Mwakarî wa mbere Cairasi atuîka mûthamaki wa Perisia, nîguo ciugo irîa Ngai-Mûnene aaririe kûvîtûkîra kûrî Mûrathi Jeremia ivinge, Ngai-Mûnene nîwamwathire anîrîre vûrûrirî wake wonthe na andîke atîrî,

Danieli 6:8

Rîu mwathi wetû mûthamaki ruta watho na wandîkwe na ûwîkîre kîrore, nîguo ndûkagarûrwe. Watho ûyû ûkaarûmagîrîrwa nî andû a Mede na a Perisi, na ndûkaagarûrwa.”

Alawi 23:2

“Îra andû a Isiraeli, atî ino nîcio irugo cia Ngai-Mûnene irîa ciamûrîtwe ikûngûagîrwe rîrîa magomanîte vamwe nîûndû wa kûgooca.

Alawi 23:4

Kûngûagîrani irugo ino irûmîrîrîte cia Ngai-Mûnene vîndî yacio yakinya.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.