2Maû 30:26 - ÎVUKU RÎA ÛVORO MWARO

²⁶ Kwoguo kwarî na gîkeno kînene mûno îtûûrarî rîa Jerusalemu, nîûndû kuuma vîndî ya Solomoni mûvîcî wa Daudi, mûthamaki wa Isiraeli gûtiagîîte ûndû wîngî ta ûcio îtûûrarî rîa Jerusalemu.

2Maû 30:26 ပူးပေါင်းရင်းမြစ်များ

2Maû 29:30

Nake mûthamaki Hezekia na anene nîmaathire Alawi makumie Ngai-Mûnene na nyîmbo irîa ciatungîtwe nî Daudi na Asafu, ûrîa warî mwoni. Kwoguo andû onthe nîmaakumirie Ngai-Mûnene marî na gîkeno na nîmeenamîrîrie mothiû mao nthî na makîgooca Ngai.

2Maû 30:27

Athînjîri-Ngai na Alawi nîmaacokire magîûkîra na makîvoera andû na Ngai nîwegwire mavoya mao arî îgûrû kûrîa kûtheru atûûraga.

2Maû 35:18

Gûtirî pasaka ta îo yarî yanakûngûîrwa kuuma vîndî ya mûrathi Samueli kûu Isiraeli. Gûtirî mûthamaki wa Isiraeli mbererî wanakûngûîra pasaka ta îo yakûngûîrwe nî mûthamaki Josia, athînjîri-Ngai, Alawi na andû onthe a Juda na Isiraeli arîa maarî vo, na andû arîa matûûraga Jerusalemu.

Nehemia 8:17

Andû onthe arîa maaûkîte kuuma îthamîriorî nîmaatumire tûnyomba magîtûûra kuo. Kuuma vîndî ya Joshua mûvîcî wa Nuni nginya mûthenya ûcio andû a Isiraeli matiagîte na kîrugo gîa tûnyomba. Andû a Isiraeli nîmaagîre na gîkeno kînene mûno.