2Maû 30:23 - ÎVUKU RÎA ÛVORO MWARO

²³ Andû onthe arîa maagomanîte nîmeetîkanîrie makûngûîre kîrugo kîu îvinda rîa mîthenya îngî mûgwanja (7). Kwoguo nîmaagîkûngûîre mîthenya îngî mûgwanja makenete.

2Maû 30:23 ပူးပေါင်းရင်းမြစ်များ

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

2Maû 29:30

Nake mûthamaki Hezekia na anene nîmaathire Alawi makumie Ngai-Mûnene na nyîmbo irîa ciatungîtwe nî Daudi na Asafu, ûrîa warî mwoni. Kwoguo andû onthe nîmaakumirie Ngai-Mûnene marî na gîkeno na nîmeenamîrîrie mothiû mao nthî na makîgooca Ngai.

2Maû 30:24

Hezekia, mûthamaki wa Juda nîwavere andû ndegwa ngiri îmwe na ng'ondu ngiri mûgwanja (7,000) cia kûrîwa nî andû. Nao anene nîmaaveere andû ndegwa ngiri îmwe (1,000) na ng'ondu ngiri îkûmi (10,000). Athînjîri-Ngai eengî nîmeetheririe.

2Maû 7:9

Mûthenya wa kanana nîmaagomanire vamwe kûgooca, nîûndû methîrîtwe mathirîtie mîthenya mûgwanja makîamûra metha ya kîgongoona na mîthenya îngî mûgwanja ya kîrugo.

Nehemia 8:17

Andû onthe arîa maaûkîte kuuma îthamîriorî nîmaatumire tûnyomba magîtûûra kuo. Kuuma vîndî ya Joshua mûvîcî wa Nuni nginya mûthenya ûcio andû a Isiraeli matiagîte na kîrugo gîa tûnyomba. Andû a Isiraeli nîmaagîre na gîkeno kînene mûno.