2Maû 30:21 - ÎVUKU RÎA ÛVORO MWARO

²¹ Nao andû a Isiraeli arîa maarî Jerusalemu nîmaakûngûîre kîrugo Kîam mîgate îtarî mîkîre ndawa ya kwimbia îvinda rîa mîthenya mûgwanja makenete mûno. Alawi na athînjîri-Ngai nîmaakumagia Ngai-Mûnene wa mûthenya wa mûthenya na nîmaainagîra Ngai-Mûnene na vinya wao wonthe.

2Maû 30:21 ပူးပေါင်းရင်းမြစ်များ

2Maû 20:21

Mûthamaki Jehoshafati arîkia kwaranîria na andû, nîwathuurire andû a kwina na akîmatha mekîre nguo cia nyîmbo, macoke mathiî marî mbere ya athigari a mbaara makinaga atîrî, “Cokeriani Ngai-Mûnene ngatho! Nîûndû wendo wake ûtathiraga nî wa tene na tene!”

2Maû 29:30

Nake mûthamaki Hezekia na anene nîmaathire Alawi makumie Ngai-Mûnene na nyîmbo irîa ciatungîtwe nî Daudi na Asafu, ûrîa warî mwoni. Kwoguo andû onthe nîmaakumirie Ngai-Mûnene marî na gîkeno na nîmeenamîrîrie mothiû mao nthî na makîgooca Ngai.

2Maû 30:11

Kûnarî ûguo, andû anini a kuuma Asheri, Manase na Zebuluni nîmeenyivirie na makîthiî Jerusalemu.

2Maû 30:26

Kwoguo kwarî na gîkeno kînene mûno îtûûrarî rîa Jerusalemu, nîûndû kuuma vîndî ya Solomoni mûvîcî wa Daudi, mûthamaki wa Isiraeli gûtiagîîte ûndû wîngî ta ûcio îtûûrarî rîa Jerusalemu.

2Maû 35:17

Nao andû a Isiraeli arîa maagomanîte vau nîmaakûngûîre pasaka kavinda kau na kîrugo Kîam mîgate îtarî mîkîre ndawa ya kwimbia îvinda rîa mîthenya mûgwanja (7).

2Maû 7:10

Mûthenya wa mîrongo îîrî na îthatû wa mweri wa mûgwanja, Solomoni nîwerire andû menûke. Nao nîmaakenire nîûndû wa maûndû maro marîa Ngai-Mûnene eekîte Daudi, Solomoni na andû onthe a Isiraeli.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Nehemia 8:17

Andû onthe arîa maaûkîte kuuma îthamîriorî nîmaatumire tûnyomba magîtûûra kuo. Kuuma vîndî ya Joshua mûvîcî wa Nuni nginya mûthenya ûcio andû a Isiraeli matiagîte na kîrugo gîa tûnyomba. Andû a Isiraeli nîmaagîre na gîkeno kînene mûno.

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Ntha 13:6

Mîthenya mûgwanja nîmûkaarîcaga mîgate îtarî mîkîre ndawa ya kwimbia. Naguo mûthenya wa mûgwanja nîguo mûkeethagîrwa na kîrugo gîa gûkumia Ngai-Mûnene.

Alawi 23:6

Mûthenya wa îkûmi na îtano nîguo mûthenya wa pasaka ya Ngai-Mûnene. Mûtiagîrîrwe nî kûrîa mîgate îrî na ndawa ya kwimbia îvinda rîa mîthenya mûgwanja.

Luka 2:43

Nakîo kîrugo Kîamthira andû nîmaambîrîrie kwînûka, nwatî kamwana tî Jesû nîgaatigirwe Jerusalemu aciari ake matakûmenya.

Luka 22:1

Mûthenya wa kîrugo Kîam mîgate îrîa îtethagîrwa îkîrîtwe ndawa ya kwimbia nîwakuvîvîrie. Kîrugo kîu gîtagwa pasaka.

Luka 22:7

Mûthenya nîwakinyire vîndî ya kîrugo Kîam mîgate îrîa îtethagîrwa îkîrîtwe ndawa ya kwimbia. Mûthenya ûcio nîguo tûtûrûme twa kûrîwa vîndî ya pasaka twathînjagwa.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 16:14

Kûngûagîrani kîrugo kîu mûkenete mûrî na ciana cienyu, ndungata cienyu, Alawi, ageni, ciana cia ndigwa, na aka a ndigwa arîa matûûraga matûûrarî menyu.

Afil 4:4

Îkaragani mûkenete mûrî ûrûmwe na Mwathani vîndî cionthe. Na nîngûmwîra rîngî atî mwîkarage mûkenete.