2Maû 30:10 - ÎVUKU RÎA ÛVORO MWARO

¹⁰ Kwoguo, anjaama nîmaathiîre matûûrarî monthe vûrûrirî wa Efiraimu na Manase na nginya Zebuluni. Nwatî andû nîmaamathekerere na makîmanyûrûria.

2Maû 30:10 ပူးပေါင်းရင်းမြစ်များ

Kîam 19:14

Loti nîwacokire akîthiî kûrî arûme arîa maarî mavikie erîtu ake na akîmeera atîrî, “Îîvarîrieni narua muume îtûûrarî rîîrî, nîûndû Ngai-Mûnene nîwîvarîrîtie kûrîcûkangia.” Nwatî meeciragia nî îtherû aarî narîo.

2Maû 30:6

Kwoguo anjaama nîmaathiîre Isiraeli na Juda kuonthe marî na maarûa kuuma kûrî mûthamaki na anene ake. Maarûa icio ciandîkîtwe atîrî, “Mue andû a Isiraeli ûkani kûrî Ngai-Mûnene, Ngai wa Iburahimu, Isaka na Jakovu. Nake Ngai nîagûka kûrî mue, arîa mwatigarire vîndî îrîa mwatharîkîrwe nî athamaki a Asîria.

2Maû 34:9

Nîmaathiîre kûrî Hilikia, Mûthînjîri-Ngai mûnene na makîmûvirîra mbeca irîa Alawi arîa maarî arangîri a ivingo maûnganîtie kuuma kûrî andû a Manase, Efiraimu na kuuma kûrî andû onthe a Isiraeli arîa maatigarîte, kuuma kûrî andû onthe a Juda, Benjamini na andû arîa maatûûraga Jerusalemu.

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Esita 3:13

Namo maarûa mau nîmavirirwe mavûrûrirî monthe marîa maathanagwa nî mûthamaki ûcio na mandîkîtwe atî Ayahudi onthe, ciana, athuuri, aka na anake maûragwe. Nao nîmakaûragwa matakwîguîrwa ntha na indo ciao cionthe ciocwe.

Esita 3:15

Watho ûcio wavecanirwe kûu Susa kwa mûthamaki, nake mûthamaki Ahasuerusi na Hamani nîmekarire nthî na makînyua ndivei, nao andû onthe arîa maarî îtûûrarî rîa Susa nîmaamakire mûno.

Esita 8:10

Moridekai nîke wandîkithirie maarûa icio igîkagîrwa mûvûri na caini ya mûthamaki. Andû arîa maaviraga maarûa icio maathiîcaga na mbarathi cia kwa mûthamaki. Mbarathi icio nîciavinyûraga mûno.

Esita 8:14

Mûthamaki nîwathanire mathiî mekarîrîte mbarathi cia kwa mûthamaki na ivinyûre mûno. Ndûmîrîri îo nîyakinyire Susa, îtûûrarî rîrîa rînene.

Ayubu 12:4

Nie natuîkire wa kûthekagîrîrwa nî arata akwa; nie naavoire Ngai na akîmbîgua; nie mûndû mûthingu na mwîvokeku, nduîkîte wa kûthekererwa.

Ayubu 9:25

“Mîthenya yakwa îvinyûrîte gûkîra mûvinyûri, nwakwa îthiraga na ndionaga ûndû mwaro.

Jeremia 38:19

Nake mûthamaki Zedekia nîwerire Jeremia atîrî, “Nînîretigîra Ayahudi arîa maaumire gûkû makîthiî gîtûûra gwa Akalidei, nîûndû navota kûnenganîrwa kûrî o, nao mamverithie.”

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Luka 23:35

Rîrîa andû maarûngamîte vau maroretie, atongoria a Ayahudi nîmaanyûrûririe Jesû makîmwîraga atîrî, “Nîaravonokagia andû arîa engî, tiga evonokie rîu angîthîrwa ke nîke Mesaya ûrîa Ngai athuurîte!”

Luka 8:53

Nao andû onthe arîa maarî vo nîmaamûthekerere nîûndû nîmaamenyaga atî mwîrîtu ûcio aarî mûkuû.

Ciîko 17:32

Na rîrîa andû meegwire Paûlo akîaria ûvoro wîgiî kûriûka, amwe gatagatîrî kao nîmaamûnyûrûririe, nwatî arîa engî makîmwîra atîrî, “Tue nîtûrenda gûkeegua ûkîaria ûvoro wîgiî ûndû ûcio rîngî.”

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.