2Maû 29:26 - ÎVUKU RÎA ÛVORO MWARO

²⁶ Alawi nîmaarûngamire marî na indo cia kwina cia Daudi, nao athînjîri-Ngai marî na tûrumbeta.

2Maû 29:26 ပူးပေါင်းရင်းမြစ်များ

1Maû 15:24

Nao athînjîri-Ngai, Shebania, Joshafati, Nethanieli, Amasai, Zekaria, Benaia na Eliezeri nîmaathuurirwe matuîke a kûvuva tûrumbeta marî mbere ya îthandûkû rîa kîrîkanîro. Obedi-edomu na Jehia wanao maarî arangîri a îthandûkû rîa kîrîkanîro.

1Maû 16:6

Athînjîri-Ngai aîrî, Benaia na Jahazieli nîo maarî a kûvuva tûrumbeta vîndî cionthe marî mbere ya îthandûkû rîa kîrîkanîro Kîam Ngai.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Thaburi 87:7

Aini onthe nîmeinagia makiugaga atîrî, “Zayuni nîkuo kiumo gîetû tuonthe.”

Isaia 38:20

“Ngai-Mûnene nîakaamvonokia, natue nîtûkaamwinîra tûkîvûraga kînanda Kîam ngunju nyîngî mîthenya yonthe ya ûtûûro wetû, tûrî nyombarî ya Ngai-Mûnene.”

Amosi 6:5

Mwendaga kwina nyîmbo mûkîvûraga ngita, mûgîtungaga nyîmbo njerû ta irîa mûthamaki Daudi aatungire.

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ndari 10:8

Tûrumbeta tûu tûkaavuvagwa nî avîcî a Aroni, athînjîri-Ngai. “Watho ûyû nîûtûûra ûrûmagîrîrwa nî njiarwa cienyu cionthe.