2Maû 29:21 - ÎVUKU RÎA ÛVORO MWARO

²¹ Nîmaathiîre na ndegwa mûgwanja, ndûrûme mûgwanja, tûgondu mûgwanja na nthenge mûgwanja cia matega ma kûtheria mevia ma andû a nyomba ya mûthamaki, andû a Juda na hekarû. Mûthamaki Hezekia nîwathire athînjîri-Ngai, njiarwa cia Aroni makarutîre matega mau metharî ya kîgongoona ya Ngai-Mûnene.

2Maû 29:21 ပူးပေါင်းရင်းမြစ်များ

1Maû 15:26

Nao nîmaarutire îgongoona rîa ndegwa mûgwanja na ndûrûme nîûndû Ngai nîwatethirie Alawi arîa maakuuire îthandûkû rîa kîrîkanîro Kîam Ngai-Mûnene.

2Maû 29:20

Mûthenya ûcio wîngî kîraûko, mûthamaki Hezekia nîwaûkîrire na agîta anene onthe a îtûûra na makîthiî hekarûrî.

Ezira 8:35

Andû onthe arîa maacokete kuuma îthamîriorî nîmaacokire makîrutîra Ngai wa Isiraeli matega ma kûvîvua. Nîmaarutire ndegwa îkûmi na igîrî nîûndû wa vûrûri wonthe wa Isiraeli, ng'ondu mîrongo kenda na ithathatû na tûtûrûme mîrongo mûgwanja na mûgwanja. Nîmaacokire makîruta mbûri îkûmi na igîrî nîûndû wa mevia mao. Nyamû icio cionthe nîciavîvirue irî matega ma Ngai-Mûnene.

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Ezek 45:23

Na îvinda rîa mîthenya mûgwanja îo ya kîrugo Kîam pasaka, wa mûthenya wa mûthenya mûnene nîakaarutîra Ngai-Mûnene îtega rîa kûvîvua rîa ndegwa mûgwanja na ndûrûme mûgwanja itarî na wonje na ikaavîvua irî ng'ima. Na wa mûthenya wa mûthenya nîakaaruta îgongoona rîa nthenge nîûndû wa mevia.

Alawi 16:5

“Nao andû a Isiraeli nîmakaanengera Aroni nthenge igîrî cia îtega rîa kûtheria mevia na ndûrûme ya îtega rîa kûvîvua.

Ndari 23:1

Balaamu nîwacokire akîra Balaki atîrî, “Ndumîra metha mûgwanja cia kîgongoona ava na ûndetere ndegwa mûgwanja na ndûrûme mûgwanja.”

Ndari 23:14

Kwoguo Balaki nîwavirire Balaamu mûgûndarî wa Zofimu îgûrû rîa kîrîma Kîam Pisiga. Nîwatumire metha mûgwanja cia kîgongoona, na kûrî wa metha ya kîgongoona nîwategire ndegwa na ndûrûme.

Ndari 23:29

Balaamu nîwerire Balaki atîrî, “Ndumîra metha mûgwanja cia kîgongoona ava na ûndetere ndegwa mûgwanja na ndûrûme mûgwanja.”

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.