2Maû 28:27 - ÎVUKU RÎA ÛVORO MWARO

²⁷ Mûthamaki Ahazi nîwakwire na akîthikwa îtûûrarî kûu Jerusalemu, nwatî ndaathikwa mbîrîrarî irîa ciathikagwa athamaki a Isiraeli. Nake mûvîcî Hezekia nîwatuîkire mûthamaki vuva wake.

2Maû 28:27 ပူးပေါင်းရင်းမြစ်များ

2Atha 16:20

Ahazi nîwakwire na akîthikwa mbîrîrarî cia athamaki îtûûrarî rînene rîa Daudi; nake mûvîcî Hezekia nîwatuîkire mûthamaki vuva wake.

2Atha 18:1

Mwakarî wa kathatû Hosea, mûvîcî wa Ela arî mûthamaki wa Isiraeli, Hezekia, mûvîcî wa Ahazi nîwatuîkire mûthamaki wa Juda.

2Maû 21:2

Jehoramu mûvîcî wa Jehoshafati, mûthamaki wa Juda aarî na aa mûrwang'ina atandatû. Nao meetagwa Azaria, Jehieli, Zekaria, Azaria, Mikaeli, na Shefatia.

2Maû 21:20

Jehoramu aatuîkire mûthamaki arî na ûkûrû wa mîaka mîrongo îthatû na îîrî (32). Aathanire arî Jerusalemu îvinda rîa mîaka înana (8). Rîrîa aakwire gûtirî mûndû weririre. Nîwathikirwe îtûûrarî rîa Daudi, nwatî ndaathikwa mbîrîrarî irîa ciathikagwa athamaki.

2Maû 24:25

Rîrîa athigari a mbaara a Sîria maaumaga Juda nîmaatigire mûthamaki Joashi agurarîtue mûno. Atongoria ake nîmaavangire ûrîa makûmûraga na nîmaamûragire arî gwake ûrîrî. Maamûragire nîûndû nîwaûragithîtie Zekaria mûvîcî wa Jehoiada, mûthînjîri-Ngai. Kwoguo nîwakwire na makîmûthika îtûûrarî rîa Daudi, nwatî matiamûthika mbîrîrarî irîa ciathikagwa athamaki.

2Maû 26:23

Mûthamaki Uzia nîwakwire na akîthikwa mûgûndarî wa athamaki, nwatî ndaathikwa mbîrîrarî irîa ciathikagwa athamaki, nîûndû andû nîmaaugire atîrî, “Arî na mûrimû mûcûku wa ngothi.” Nake Jothamu, mûvîcî nîwatuîkire mûthamaki vuva wake.

2Maû 29:1

Hezekia aatuîkire mûthamaki wa Juda arî na ûkûrû wa mîaka mîrongo îîrî na îtano (25). Nîwathanire arî Jerusalemu îvinda rîa mîaka mîrongo îîrî na kenda (29). Ng'ina eetagwa Abija na aarî mwarî wa Zakaria.

2Maû 33:20

Manase nîwakwire na akîthikwa mûciî wa mûthamaki. Nake mûvîcî Amoni nîwatuîkire mûthamaki vuva wake.

Nthi 10:7

Andû nîmakenaga makîririkana mûndû ûrîa ûkuîte arî mûthingu, nwatî mûndû ûrîa mûcûku akua nîariganagîra.

Isaia 14:28

Mwakarî ûrîa Mûthamaki Ahazi aakwire, Ngai nîwavecanire ndûmîrîri îno:

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.