2Maû 28:18 - ÎVUKU RÎA ÛVORO MWARO

¹⁸ Afilisiti wanao nîmaatharîkîrîte matûûra ma Juda marîa maarî Shefela na Negebu na makînyita Bethishemeshi, Aijaloni, Gederothi, Soko vamwe na icagi ciarîo, Timuna vamwe na icagi ciarîo na Gimuzo vamwe na icagi ciarîo na magîtûûra kuo.

2Maû 28:18 ပူးပေါင်းရင်းမြစ်များ

2Atha 18:8

Nîwaûragire Afilisiti nginya îtûûrarî rînene rîa Gaza, vamwe na vûrûri ûrîa ûrîrigicîrîtie, kuuma gîcagirî kîrîa kînini nginya îtûûra rîrîa rînene ririgîre.

2Maû 11:10

Zora, Aijaloni, na Heburoni. Matûûra mama maarî vûrûrirî wa Juda na wa Benjamini.

2Maû 11:7

Bethizuri, Soko, Adulamu,

Isaia 9:12

Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.

Ezek 16:27

“Kwoguo nînaûkîrîrie njara yakwa nîguo ngûverithie. Nînaanyivirie îgai rîaku na ngîkûrekereria kûrî nthû ciaku, erîtu a Afilisiti arîa maaconokire mûno nîûndû wa ciîko ciaku cia ûûra nthoni.

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Ezek 25:15

Ngai-Mûnene Ngai arauga atîrî, “Andû a Filisiti nîmeekire ûndû mûcûku mûno wa kwîrîvîrîria na marakara kûrî andû arîa matûûraga marî nthû ciao kuuma tene.

Josh 15:10

Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

Josh 15:41

Gederothi, Bethidagoni, Naama, na makeda. Mau monthe maarî matûûra marîa manene îkûmi na matandatû vamwe na icagi irîa ciarî vakuvî na matûûra mau.

Josh 15:48

Naguo vûrûri ûrîa ûrî irîma kwarî matûûra ma Shamiru, Jatiru, Soko,

Atir 14:1

Mûthenya ûmwe Samusoni nîwanyûrûrûkire akîthiî Timuna. Arî wa kûu, nîwonire mûndûmûka ûmwe Mûfilisiti.

1Sam 17:1

Afilisiti nîmaaûnganirie mbûtû ciao cia mbaara kûu Soko nîguo makarûe. Soko rîarî îtûûra rîmwe rîa Juda. Maambire magema mao vandû vetagwa Efesi-damimu. Efesi-damimu îrî gatagatî ka Soko na Azeka.

1Sam 6:9

Namue mwîkare mûkîroretie ûrîa gîkûthiî. Ethîrwa nîkîthiî kîerekerete îtûûra rîa Bethi-shemeshu, ûguo nî kuga atî Ngai wa Aisiraeli. Nî ûtûmîte twîthîrwe tûrî na mathîna mana. Nwatî ethîrwa tî kîthiî kîerekerete îtûûra rîu, nîtûkûmenya atî tîke watûretere mûthiro, nwatî nî ûndû wa gûka wa ûguo tu.”