2Maû 26:5 - ÎVUKU RÎA ÛVORO MWARO

⁵ Uzia nîwathîkagîra Ngai mavinda marîa Zekaria aarî mwoyo, nîûndû nîwarûmagîrîra maûndû marîa aataaragwa nî Zekaria megiî kwathîkîra Ngai. Nake Ngai-Mûnene nîwatûmire athatûkwe maûndûrî make.

2Maû 26:5 ပူးပေါင်းရင်းမြစ်များ

Kîam 41:15

Nake mûthamaki nîwerire Josefu atîrî, “Nînîrarotire kîroto na gûtirî mûndû ûngîvota gûgîtaûra. Nîmbîguîte ûvoro waku atî ûkerwa kîroto nwa ûgîtaûre.”

Kîam 41:38

na akîra ndungata icio atîrî, “Nwatwone mûndû wîngî mwaro ta ûyû ûrî na Roho wa Ngai ndaarî yake?”

2Atha 15:34

Jothamu nîwekire maûndû marîa maakenagia Ngai-Mûnene wata marîa monthe meekagwa nî îthe Uzia.

1Maû 22:11

“Rîu mûvîcîwa, Ngai-Mûnene, Ngai waku nîekare nawe na arokûvotithia gûtuma hekarû yake wata ûrîa aakwîrîre.

1Maû 22:13

Ethîrwa nîûkaathîkîra mawatho monthe marîa Ngai-Mûnene aaveere Aisiraeli kûvîtûkîra Musa, maûndû maku nîmakaavua. Gîa na vinya, wîyûmîrîrie na ndûgetigîre kana ûgîa na guoya.

2Maû 14:6

Mûthamaki Asa nîwatumire matûûra mairigîre kûu Juda kavindarî kau kwarî na thayû. Vûrûri wake nîwekarire îvinda rîa mîaka mîîngî gûtarî na mbaara, nîûndû Ngai-Mûnene nîwamûvete thayû.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 24:2

Joashi nîwekire maûndû marîa maakenagia Ngai-Mûnene îvinda rîonthe rîrîa Jehoiada, mûthînjîri-Ngai aarî mwoyo.

2Maû 25:8

Nwatî ûngîthiî nao ûgîciragia atî ûkaavootana, ndûkaavootana. Ngai nîke wî na ûvoti wa gûtûma ûvootana kana ûvootwe, ke nîagaakûrekereria ûvootwe nî nthû ciaku.”

2Maû 26:4

Nîwekire maûndû marîa maakenagia Ngai-Mûnene wata ûrîa îthe Amazia eekîte.

2Maû 27:6

Jothamu nîwagîre vinya nîûndû vîndî cionthe nîwathîkagîra Ngai-Mûnene, Ngai wake.

2Maû 29:1

Hezekia aatuîkire mûthamaki wa Juda arî na ûkûrû wa mîaka mîrongo îîrî na îtano (25). Nîwathanire arî Jerusalemu îvinda rîa mîaka mîrongo îîrî na kenda (29). Ng'ina eetagwa Abija na aarî mwarî wa Zakaria.

2Maû 32:30

Hezekia nîke wavingire kûrîa manjî ma ithima cia Gihoni maaumagîrîra mwena wa îgûrû na akîmatemera mîtaro manyûrûrûke na mwena wa îthûîro wa îtûûra rîa Daudi. Maûndû monthe marîa Hezekia aambagîrîria, nîmaavucaga.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 10:1

Mwaka wa kathatû Cairasi arî mûthamaki wa Perisi, Danieli, ûrîa watuîrîrwe rîîtwa Beliteshazaru, nîwaguûrîrue ndûmîrîri. Ndûmîrîri îo yarî ya ma, nwatî yarî nyûmû mûno, na ndîereekaga. Danieli nîwereithirue ûrîa ndûmîrîri îo yaugaga na njîra ya kîoneki.

Danieli 2:19

Ûtukû wa ûcio Ngai nîwaguûrîrie Danieli nthitho îo na njîra ya kîoneki. Nake nîwagoocire Ngai wa îgûrû,

Danieli 5:16

Nwatî nîmenyithîtue atî we nwa ûvote gûtaûra maûndû wana gûtaûra ndaî. Kwoguo, ethîrwa nîûkûvota kûthoma mandîko mama na ûmbîre ûrîa maugîte, nîûgekîrwa nguo cia ûthamaki cia rangi wa njambarawe, na wîkîrwe mûkathî wa thaavu ngingo na wîthîrwe ûrî wa kathatû ngathîrî ya ûthamaki.”

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Ciîko 20:30

Wana nginya gatagatîrî kenyu nîgûkaumîra andû amwe makaaragia maveeni makîgeria kûgucîrîria arutwa nîguo mamarûmîrîre.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.

Atir 2:7

Nao andû nîmaatungatîre Ngai-Mûnene vîndî cionthe ûtûûrorî wa Joshua. Vuva wa gûkua kwa Joshua, Aisiraeli nîmaathiîre na mbere gûtungatîra Ngai-Mûnene vîndî cionthe rîrîa athuuri maatûûraga mwoyo arîa meeyonerete o ene maûndû manene marîa Ngai-Mûnene ekîrîte andû a Isiraeli.