2Maû 26:10 - ÎVUKU RÎA ÛVORO MWARO

¹⁰ Wana nîwatumire nyomba ndaca werûrî na akînja iriko nyîngî cia manjî kuo nîûndû aarî na ndîthia nyîngî kûu Shefela na kûndû kûrîa kwarî kwaraganu. Aarî na andû maarutaga wîra mîgûndarî ya mîthavibu irîmarî na kûndû kûrîa kwarî kûnoru nîûndû nîwendeete kûrîma mûno.

2Maû 26:10 ပူးပေါင်းရင်းမြစ်များ

2Atha 19:23

“Gûtûma anjaama aku nîkûnyarara Ngai-Mûnene, ugîte atî ûrî na ikaari ciaku nyîngî cia mbarathi, nîûtwîte irîma ndaca nginya gacûmbîrî ga kîrîma Kîam Lebanoni. Nîûgwîthîtie mîtarakwe îrîa mîraca mûno na mîthithinda îrîa mîaro mûmo. Nîwatonyire mûtitû ndaarî viû varîa ûnyitanîrîte.

2Atha 3:4

Mesha mûthamaki wa Moabu nîwaciarithanagia ng'ondu, na wa mwaka nîwaviraga tûori ngiri îgana rîmwe (100,000) twa ng'ondu, na guoya wa ng'ondu ngiri îgana rîmwe (100,000) kûrî mûthamaki wa Isiraeli îrî gooti.

2Maû 17:12

Mûthamaki Jehoshafati nîwathiîre na mbere kûgîa na vinya mûno vûrûrirî wa Juda. Nîwatumire matûûra marî na nyomba cia kwigwa indo na akîmairigîra na rûthingo.

2Maû 17:13

Kwoguo Jehoshafati aarî na nyomba nene cia kwigwa indo kûu vûrûrirî wa Juda. Jerusalemu nîwaigire athigari a mbaara arîa maarî na ûûgî mwîngî wa mbaara.

2Maû 26:11

Makîria ya ûguo Uzia aarî na athigari a mbaara meevarîrîtie kûrûa. Maagaanîtue ikundi ikundi na mûtaratara wao waigîtwe nî Jeieli karani wa vûrûri na mûnene Maaseia. Mûtongoria wao aarî Hanania ûmwe wa anene a athigari a mbaara a mûthamaki.

2Maû 32:29

Hezekia nîwatumire matûûra meengî na akîgîa na ndîthia nyîngî ya ng'ombe na ng'ondu nîûndû Ngai nîwamûrathimîte na indo nyîngî mûno.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Isaia 29:17

Nî kavinda kanini gatigarîte Lebanoni îgarûrwe îtuîke mûgûnda mûnoru; naguo mûgûnda ûcio mûnoru ûgatuîka mûtitû.

Gûco 3:10

Nîtwatavire mavûrûri monthe ma Ogu, mûthamaki wa Bashani, matûûra monthe marîa maarî kûndû kûrîa kwaraganu, icunjî cia Gileadi na Bashani, na mwena wa îrathîro nginya matûûra ma Saleka na Edirei.

Josh 15:55

Kwarî na matûûra mengî ma Maoni, Karimeli, Zifu, Juta,

1Sam 15:12

Samueli nîwaramûkire kîraûko tene mûthenya ûcio warûmîrîrîte nîguo agacarie Saûlo. Nake nîwegwire atî Saûlo nîwathiîte îtûûrarî rîa Karimeli kûrîa aathondekete kînyamû gîa gûtûma aririkanagwe, na aarî mûvîtûku na akathiî Giligali.