2Maû 25:5 - ÎVUKU RÎA ÛVORO MWARO

⁵ Mûthamaki Amazia nîwacokire akîgomania andû a Juda vamwe. Nîwacokire akîgaania andû a Juda na andû a Benjamini ikundi cia athigari a mbaara kûringana na mbarî ciao. Nîwaigire anene a kûrûngamagîrîra ikundi imwe cia athigari ngiri îmwe na ikundi ciîngî cia athigari îgana rîmwe. Nîwatarire arûme onthe arîa maarî na ûkûrû wa mîaka mîrongo îîrî kûthiî na mbere. Nao onthe maarî arûme ngiri magana mathatû (300,000), arîa mangîvota kûrûa na maicî gûtûmîra matumû na ngo.

2Maû 25:5 ပူးပေါင်းရင်းမြစ်များ

1Maû 13:1

Daudi nîwaranîrie na anene a athigari ngiri, îgana na mûndû wa wonthe warî mûtongoria.

1Maû 27:1

Ûyû nîguo mûtaratara wa andû a Isiraeli, atongoria a mîciî, anene a athigari ngiri a mbaara na a magana, na anene arîa maatungataga mûthamaki. Wa mweri, gîkundi Kîam andû ngiri mîrongo îîrî na inya (24,000) nîkîethagîrwa gîgîtungata kîrî rungu rwa mûnene ûrîa wathuurîtwe mweri ûcio.

2Maû 11:1

Rîrîa mûthamaki Rehoboamu aakinyire Jerusalemu, nîwagomanirie athigari ngiri îgana rîa mîrongo înana (180,000) arîa aro kuuma mûvîrîgarî wa Juda na wa Benjamini. Endeete kûthiî kûrûa na andû a Isiraeli nîguo amacokie wathanirî wake.

2Maû 14:7

Mûthamaki Asa nîwerire andû a Juda atîrî, “Nîtûtume matûûra na tûmairigîre na nthingo, nyomba ndaca na îgûrû, na ivingo irî na mîkîgo ya kûvinga. Vûrûri ûyû nî wetû, nîûndû nîtwîkîte ûrîa Ngai-Mûnene, Ngai wetû endaga. Nîtwamwathîkîre na nîatûgitîrîte na mîena yonthe.” Kwoguo nîmaatumire matûûra na makîgîa na ûthiî wa na mbere.

2Maû 14:8

Asa aarî na athigari a mbaara ngiri magana mathatû (300,000) kuuma mûvîrîgarî wa Juda maarî na ngo nene na matumû, na engî ngiri magana maîrî ma mîrongo înana (280,000) kuuma mûvîrîgarî wa Benjamini na maarî na ngo na moota. Onthe maarî athigari maarî na vinya na njamba.

2Maû 25:6

Amazia nîwacokire agîkombora athigari engî a mbaara maarî na vinya na njamba ngiri îgana rîmwe (100,000) kuuma Isiraeli. Aamakomborire kilo ngiri ithatû na magana mana (3,400) cia sîlûva.

2Maû 26:13

Athigari onthe a mbaara arîa maarî rungu rwao maarî ngiri magana mathatû ma mûgwanja na magana matano (307,500). Athigari acio nîmaarutîtwe waro kûrûa na maarî na vinya wa gûtethia mûthamaki kûrûa na nthû ciake.

Ntha 18:25

na nîwathuurire andû maarî na ûvoti kuuma gatagatî ka andû onthe a Isiraeli. Ke nîwamatwire atongoria, mathage ikundi cia andû ngiri, îgana, mîrongo îtano na engî makûmi.

Ndari 1:3

arîa marî na ûkûrû wa mîaka mîrongo îîrî na makîria na mangîtuîka athigari a mbaara na mûmagaanie ikundi ikundi.

1Sam 8:12

Amwe ao nîakaamatua athani a athigari ngiri îmwe, nao engî amatue athani a athigari mîrongo îtano. Nao arîa engî nîakaamatua arîmi a mîgûnda yake, magîkethaga maketha make. Nî gûkethîrwa kûrî na anake engî arîa makethîrwa marî a kûthondekagîra mûthamaki indo ciake cia mbaara, na cia ikaari ciake cia mbaara.