2Maû 25:14 - ÎVUKU RÎA ÛVORO MWARO

¹⁴ Rîrîa Amazia aacokire arîkia kûvoota andû a Edomu, nîwaûkire na mîvuanano ya ngai irîa ciagoocagwa kuo na akîambîrîria kûigooca na kûirutîra magongoona.

2Maû 25:14 ပူးပေါင်းရင်းမြစ်များ

2Sam 5:21

Afilisiti nîmaatorokire na magîtiga ngai ciao cia mîvuanano kuo. Nake Daudi na andû ake nîmoocire mîvuanano îo na makîthiî nayo.

2Atha 14:8

Amazia nîwacokire agîtûma anjaama kûrî Jehoashi mûthamaki wa Isiraeli akîmwîra atîrî, “Ûka twonane.”

2Maû 25:13

Kavinda wa kau, athigari arîa Amazia aacokithirie a kuuma Isiraeli akîrega mathiî nake mbaararî nîmaatharîkîre matûûra ma Juda, kuuma Samaria nginya Bethi-horoni. Nîmaaûragire arûme ngiri ithatû (3,000) na magîtava indo nyîngî.

2Maû 25:2

Amazia nîwekire maûndû marîa maakenagia Ngai-Mûnene, nwatî ndaamekaga na ngoro yonthe.

2Maû 28:23

Nîwarutire magongoona kûrî ngai cia andû a Damesiki arîa maamûvootire akiuga atî, nîûndû ngai icio nîciatethirie Asîria ciavota kûmûtethia wanake. Nwatî ûndû ûcio nîwatûmire acûkangue wa vamwe na vûrûri wonthe wa Isiraeli.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Isaia 44:15

Vuva wa ûguo, mûtî ûcio nîûtuîkaga wa kunwa ngû nî mûndû. Nîocaga gîcunjî kîmwe Kîamguo, nakîo gîcunjî kîu kîngî akaumia ngai ya mûvuanano nakîo na akamîgooca.

Isaia 44:19

Gûtirî mûndû ûririkanaga, kana agîa ûûgî, wana kana akamenya maûndû na auge atîrî, “Nînavîvirie gîcunjî kîmwe Kîam mûtî ûyû na mwaki, na nînarugire mîgate na makara ma guo, na ngîokia nyama na ngîmîrîa. Nîngîvota atîa kûthondeka matigari ma mûtî ûcio kîndû gîa kûgoocwa kîrî mûgiro, na ndurîrie gîcunjî kîu Kîam mûtî maru nîkîgooce?”

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.