2Maû 25:12 - ÎVUKU RÎA ÛVORO MWARO

¹² Andû a Juda nîmaatavire andû engî ngiri îkûmi (10,000) marî mwoyo, makîmavira gacûmbîrî ka nguva ya îthiga na makîmaikia kuuma nguvarî îo îgûrû na onthe makiunîkanga.

2Maû 25:12 ပူးပေါင်းရင်းမြစ်များ

2Sam 12:31

Nîwacokire agîtua andû a kuo aatûri a mbaû na mîcumano, aruti wîra na macembe ma cuuma, na mathanwa ma cuuma, na athondeki a matuvarî. Ûguo nîguo eekire andû onthe a matûûra mau mengî ma Aamoni. Nake Daudi na andû ake onthe nîmaacokire Jerusalemu.

1Maû 20:3

Nao andû arîa maarutirwe îtûûrarî rîu nîmaatuirwe a kûruta wîra wa mîcumano, macembe, mathanwa na cuuma. Ûguo nwaguo eekire na andû a matûûra mau mengî ma Aamoni. Daudi na andû ake onthe nîmaacokire makîthiî Jerusalemu.

2Maû 20:10

“Taroria, andû a Aamoni, a Moabu na a Edomu nîmatûtharîkîrîte. Rîrîa andû a Isiraeli maaumaga Misiri ndwametîkîria matonye mavûrûri mau. Kwoguo matiamacûkangia.

2Maû 25:11

Nwatî Amazia nîweyûmîrîrie na agîtongoria athigari ake a mbaara na makîthiî Kîamndarî gîa cumbî. Kûu nîkuo aaûragîre athigari ngiri îkûmi a kuuma Seiru (Edomu).

2Maû 25:13

Kavinda wa kau, athigari arîa Amazia aacokithirie a kuuma Isiraeli akîrega mathiî nake mbaararî nîmaatharîkîre matûûra ma Juda, kuuma Samaria nginya Bethi-horoni. Nîmaaûragire arûme ngiri ithatû (3,000) na magîtava indo nyîngî.

2Maû 25:15

Kwoguo Ngai-Mûnene nîwarakarirue nî ûndû ûcio, agîtûma mûrathi kûrî Amazia akamûrie atîrî, “Nîndûî kîratûma ûgooca ngai cia mîvuanano cia andû a Edomu na ngai icio itiavonokia andû ao kuuma kûrî mue?”

Thaburi 141:6

Rîrîa athani ao magaaikua kuuma nguvarî ya îthiga, nîrîo makaamenya atî ciugo ciakwa ciarî cia ma.