2Maû 24:21 - ÎVUKU RÎA ÛVORO MWARO

²¹ Mûthamaki Joashi na andû ake nîmaavangire ûrîa makûûraga Zekaria na nîmaamûragîre kîvarorî gîa hekarû na mathiga.

2Maû 24:21 ပူးပေါင်းရင်းမြစ်များ

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Thaburi 94:21

Manyitanagîra vamwe nîguo mathirie andû arîa athingu, na matucagîra andû arîa matarî na mavîtia maûragwe.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 20:2

Pashuri nîwacokire akîriva mûrathi Jeremia, akîmûthaîka na mvîngû, na akîmwiga kîvingorî Kîam mwena wa îgûrû wa Benjamini kûu nyombarî ya Ngai-Mûnene.

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Jeremia 26:21

Na rîrîa mûthamaki Jehoiakimu vamwe na athigari ake na anene onthe meegwire ciugo ciake, mûthamaki nîwavangire kûmûûraga. Nwatî rîrîa Uria eeguire ûvoro ûcio, nîwetigîre na akîûra akîthiî Misiri.

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Mathaayo 21:35

Nao arîmi acio nîmaanyitire ngombo icio, makîriva îmwe, makîûraga îo îngî na îngî makîmîriva na mathiga.

Luka 11:51

Nîmakaaverithua nîûndû wa arathi onthe arîa maanaûraga kuuma vîndî ya Habili nginya ya Zakaria ûrîa waûragirwe arî gatagatî ka metha ya kîgongoona kîtheru na hekarû. Îni nie nîramwîra na ma atî, andû a rûciaro rûrû nîmakaaverithua nîûndû wa kûûraga andû acio onthe.

Ahib 11:37

Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.