2Maû 24:18 - ÎVUKU RÎA ÛVORO MWARO

¹⁸ Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

2Maû 24:18 ပူးပေါင်းရင်းမြစ်များ

2Sam 24:1

Ngai-Mûnene nîwarakarirue nî Aisiraeli rîngî, na nîwerire Daudi athiî kûrî o nîguo marakare na akîmwîra atîrî, “Thiî na ûtare andû a Isiraeli na a Juda.”

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

1Atha 14:9

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.

2Maû 12:1

Rehoboamu arîkia kwîvanda waro na ûthamaki wake ûkîgîa na vinya, ke vamwe na andû onthe a Isiraeli arîa aarî nao nîmaatiganîrie watho wa Ngai-Mûnene.

2Maû 12:2

Mwakarî wa gatano kuuma Rehoboamu atuîka mûthamaki, Shishaki mûthamaki wa Misiri nîwatharîkîre Jerusalemu nîûndû Rehoboamu na andû ake matiarî evokeku.

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 21:13

Nwatî wîthîrîtwe ûkîrûmîrîra mîthiîre ya athamaki a Isiraeli na nîwatûmire andû a Juda na a Jerusalemu matige kwîvoka Ngai, wata ûrîa Ahabu na athamaki a mûciî wake andû a Isiraeli matiga gûtuîka evokeku kûrî Ngai. We nîwaûragire aa mûrwanyûkwe arîa mwaciaranîrîtue nao na maarî aro gûgûkîra.

2Maû 22:4

Nîwekire maûndû macûku mbere ya Ngai-Mûnene ta ûrîa andû a mûciî wa Ahabu meekîte, nîûndû îthe akua andû a mûciî wa Ahabu nîo maatuîkire ataari ake na nîmaatûmire wîra wake ûcûke.

2Maû 24:17

Jehoiada arîkia gûkua, atongoria a Juda nîmaathiîre kûrî mûthamaki Joashi na makîmûthaitha amathikîrîrie. Nake mûthamaki nîwamathikîrîrie.

2Maû 24:4

Vuva wa kwathana kavinda kanini, Joashi nîwatuire nîagûtuma hekarû rîngî kûrîa yacûkangîte.

2Maû 25:15

Kwoguo Ngai-Mûnene nîwarakarirue nî ûndû ûcio, agîtûma mûrathi kûrî Amazia akamûrie atîrî, “Nîndûî kîratûma ûgooca ngai cia mîvuanano cia andû a Edomu na ngai icio itiavonokia andû ao kuuma kûrî mue?”

2Maû 28:13

Nîmaamerire atîrî, “Mûtikarete mîgwate îo gûkû nîûndû kûu nî kwongerera mavîtia îgûrû rîa mevia marîa twîvîrîtie Ngai-Mûnene. Mavîtia metû nî meengî mûno na Ngai-Mûnene nî mûrakarie mûno nî andû a Isiraeli”

2Maû 29:8

Kwoguo Ngai-Mûnene nîwarakarirue mûno nî andû a Juda na a Jerusalemu na nîamekîte ûndû wa kûmakania, ûndû ûrî na guoya na wa kînyarari wata ûrîa mûreyonera na metho menyu mue ene.

2Maû 32:25

Nwatî Hezekia nîwaregire gûcokeria Ngai-Mûnene ngatho nîûndû wa maûndû marîa aamwîkîte. Hezekia nîwagîre na mwîtîîo na ûndû ûcio ûgîtûma Juda na Jerusalemu iverithua nî Ngai-Mûnene.

2Maû 34:25

Nîûndû nîmaareganire nanie na makîvîvîria ngai ciîngî ûbani. Nîmatûmîte ndakare nîûndû wa maûndû mau monthe mekîte. Kwoguo marakara makwa nîmagûkinya Jerusalemu na tîmathira.

Ntha 34:12

Menyerera mûtikarûthe kîrîkanîro na andû a vûrûri ûrîa mûkûthiî gûtonya, nîûndû mûngîrûtha kîrîkanîro nao ûndû ûcio wavota gûtuîka mûtego gatagatî kenyu.

Ntha 34:13

Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Hosea 5:14

Nie ngethîrwa mbîkariî ta mûnyambû kûrî Efiraimu, ngethîrwa mbîkariî ta kaana ka mûnyambû kûrî Juda. Nie mwene nîngamatarûranga tûnuku ngînathiî, nîngamoca na gûtirî mûndû ûkaamavonokia.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Josh 22:20

Taririkanani ûrîa Akani mûvîcî wa Zera aaregire kwîvokeka maûndûrî megiî indo irîa ciatuîtwe icûkangue. Andû onthe a Isiraeli nîmaaverithirue nîûndû wa ûndû ûcio. Kwoguo tî Akani wenga wakuire nîûndû wa mevia make.”

Atir 5:8

Nîgwacokire gûkîgîa mbaara vûrûrirî, rîrîa Aisiraeli maathuurire ngai ciîngî. Gatagatîrî ka arûme ngiri mîrongo îna a Isiraeli, kwanoneka ngo kana îtumû?

Atir 8:33

Gideoni arîkia gûkua, andû a Isiraeli nîmaatigire kwîvoka Ngai rîngî na makîambîrîria kûgooca Baali. Nîmaatuire Baali-berithu ngai yao.