2Maû 24:15 - ÎVUKU RÎA ÛVORO MWARO

¹⁵ Jehoiada nîwatuîkire mûthuuri mûkûrû mûno na agîkua arî wa mîaka îgana rîmwe rîa mîrongo îthatû (130).

2Maû 24:15 ပူးပေါင်းရင်းမြစ်များ

Kîam 15:15

Nwatî we nîûgaatûûra mîaka mîngî, na nîûgaakua ûrî na thayû na ûthikwe.

Kîam 25:8

Aakwire arî mûkûrû mûno na akîthikwa.

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

1Maû 23:1

Daudi akûra mûno nîwatuire mûvîcî Solomoni mûthamaki wa Isiraeli.

2Maû 24:14

Rîrîa wîra wa gûtuma hekarû wathirire, aruti wîra nîmaaretire mbeca irîa ciatigarire kûrî mûthamaki Joashi marî na mûthînjîri-Ngai Jehoiada. Nao nîmaatûmîre mbeca icio kûrûtha indo cia gûtûmîrwa hekarûrî: indo cia matega ma kûvîvua, mbakûri cia gwîkîrwa ûbani na indo cia thaavu na sîlûva. Nao nîmaarutaga matega ma kûvîvua hekarûrî wa mûthenya wa mûthenya mavinda monthe marîa Jehoiada aarî mwoyo.

2Maû 24:16

Jehoiada nîwathikirwe mbîrîrarî irîa ciathikagwa athamaki îtûûrarî rîa Daudi, nîûndû nîwarutîte wîra mwaro kûu Isiraeli na kûrî Ngai na hekarû yake.

2Maû 24:3

Jehoiada nîwathuurîre mûthamaki Joashi aka aîrî na nîmaaciarîre Joashi anake na erîtu.

Ayubu 5:26

Wata ûrîa ngano ikûraga igakinyia rîa gûkethwa, nwata guo we ûgaakua ûrî mûkûrû mûno.

Thaburi 90:10

Ûtûûro wetû nîwa mîaka mîrongo mûgwanja, kana ethîrwa tûrî na vinya tûgîkinyia mîaka mîrongo înana; nwatî wîcûrîtwe nî mathîna na mînyamaaro; mîaka îo îthiraga na îvenya natue tûgacoka tûkathira.

Thaburi 91:16

Nîngaatûma atûûre kavinda karaca, na nîngaamûvonokia.”