2Maû 24:10 - ÎVUKU RÎA ÛVORO MWARO

¹⁰ Anene onthe na andû onthe nîmaakenire na nîmaaretire gooti yao na magîkîra kathandûkûrî nginya gagîcûra.

2Maû 24:10 ပူးပေါင်းရင်းမြစ်များ

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

2Maû 24:11

Vîndî îrîa kathandûkû gecûra, Alawi nîmaagocaga na magakavira kûrî mûndû ûrîa warûngamagîrîra mbeca icio cia gooti. Nake ona atî nîgecûru, nîwakanenganagîra kûrî mwandîki wa mûthamaki marî na mûnene ûmwe arûngamîrîrîte mûthînjîri-Ngai mûnene. Nao nîmaacokaga makaruta mbeca icio na magacokia kathandûkû varîa kaaigagwa. Ûguo nîguo meekaga wa mûthenya wa mûthenya na nîmaaûnganirie mbeca nyîngî mûno.

2Maû 24:9

Nîgwacokire gûkîanîrîrwa Juda na Jerusalemu kuonthe atî andû marete gooti ya Ngai-Mûnene. Musa, ndungata ya Ngai aathire andû a Isiraeli marutage gooti îo rîrîa maarî werûrî.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

2Akor 8:2

Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.

2Akor 9:7

Mûndû nîwagîrîrwe nî kûvecana wata ûrîa ke atuîte kûvecana. Na mûndû ndakavecane takwa akûringîrîrua, nîûndû Ngai nî akenagua nî ûrîa ûvecanaga akenete.