2Maû 23:3 - ÎVUKU RÎA ÛVORO MWARO

³ Andû acio onthe nîmaagomanire vamwe hekarûrî na makîrûtha kîrîkanîro na Joashi mûvîcî wa mûthamaki. Nake Jehoiada nîwamerire atîrî, “Ûyû nîke mûvîcî wa mûthamaki! Tigani atuîke mûthamaki wata ûrîa Ngai-Mûnene eeranîrîte ûvoro wîgiî njiarwa cia Daudi.

2Maû 23:3 ပူးပေါင်းရင်းမြစ်များ

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

2Sam 7:12

Rîrîa ûgaakua na ûthikwe, nîngaatua ûmwe wa anake aku mûthamaki na nîngaatûma ûthamaki wake ûgîe na vinya.

2Sam 7:16

Nî ûkaagîa na njiarwa vîndî cionthe na ûthamaki waku ndûkaathira. Nakîo gîtî gîaku Kîam ûthamaki nî gîgaatûûra tene na tene.’ ”

1Atha 2:4

Ngai-Mûnene akaavingia kîîranîro gîake kîrîa aambîrîîre atî njiarwa ciakwa nîikaatha Isiraeli ethîrwa nîikaavingia mawatho marîa nîmavete na methagîrwe marî evokeku kûrî nie na ngoro ciao cionthe na mîoyo yao yonthe.

1Atha 9:5

nîngaatûma gîtî gîaku Kîam ûthamaki kîîvande kûu Isiraeli tene na tene ta ûrîa nerîre aguo Daudi rîrîa naamwîrire atî, ‘gûtigaatura mûndû kuuma nyomba yaku wa gwîkarîra gîtî Kîam ûthamaki wa Isiraeli.’

2Atha 11:17

Mûthînjîri-Ngai Jehoiada nîwatûmire mûthamaki Joashi na andû marûthe kîrîkanîro na Ngai-Mûnene atî makethagîrwa marî andû a Ngai-Mûnene. Nîwacokire akîrûtha kîrîkanîro na mûthamaki na andû.

1Maû 11:3

Kwoguo athuuri onthe a Isiraeli nîmaathiîre kûrî mûthamaki Daudi kûu Heburoni. Nake Daudi nîwathondekire kîrîkanîro nao arî mbere ya Ngai-Mûnene. Nîmaacokire makîmwamûra na makîmûtua mûthamaki wa Isiraeli kûringana na ûrîa Ngai-Mûnene aarîtie kûvîtûkîra Samueli.

2Maû 21:7

Kûnarî ûguo, Ngai-Mûnene ndaathiria wathani wa Daudi nîûndû nîwarûthîte kîrîkanîro nake, atî njiarwa ciake nîitûûra ciathanaga tene na tene.

2Maû 23:16

Mûthînjîri-Ngai Jehoiada nîwarûthire kîrîkanîro na andû onthe na mûthamaki atî, nîmagûtuîka andû a Ngai-Mûnene.

2Maû 6:16

Rîu we Ngai-Mûnene, Ngai wa Isiraeli, vingia kîîranîro kîrîa werîre vava Daudi ndungata yaku. Wamwîrire atî vîndî cionthe nî gûkethagîrwa kûrî na mûndû kuuma njiarwarî ciake wa gwîkarîra gîtî Kîam ûthamaki Kîam Isiraeli ethîrwa nî igûtûûra ciathîkagîra watho waku ta ûrîa ke eekaga.

2Maû 7:18

nîngaatûma ûthamaki waku wîvande wata ûrîa naarîkanîre na aguo Daudi atî, Isiraeli nîgûtûûra kwathagwa nî njiarwa ciake.

Thaburi 89:29

Nîngaatûma njiarwa ciake itûûre ciathanaga tene na tene, na ûthamaki wake ndûkaathira.

Thaburi 89:36

Njiarwa ciake igaatûûra tene na tene, na ûthamaki wake ûtûûre ta riûa.