2Maû 21:20 - ÎVUKU RÎA ÛVORO MWARO

²⁰ Jehoramu aatuîkire mûthamaki arî na ûkûrû wa mîaka mîrongo îthatû na îîrî (32). Aathanire arî Jerusalemu îvinda rîa mîaka înana (8). Rîrîa aakwire gûtirî mûndû weririre. Nîwathikirwe îtûûrarî rîa Daudi, nwatî ndaathikwa mbîrîrarî irîa ciathikagwa athamaki.

2Maû 21:20 ပူးပေါင်းရင်းမြစ်များ

2Atha 8:24

Kwoguo Jehoramu nîwakwire na akîthikwa mbîrîrarî cia methe make kûu îtûûrarî rîrîa înene rîa Daudi; nake Ahazia, mûvîcî nîwatuîkire mûthamaki vuva wake.

2Maû 23:21

Kwoguo andû onthe a vûrûri nîmaakenire na îtûûra rîu rîkîvoorera Athalia arîkia kûragwa.

2Maû 24:16

Jehoiada nîwathikirwe mbîrîrarî irîa ciathikagwa athamaki îtûûrarî rîa Daudi, nîûndû nîwarutîte wîra mwaro kûu Isiraeli na kûrî Ngai na hekarû yake.

2Maû 24:25

Rîrîa athigari a mbaara a Sîria maaumaga Juda nîmaatigire mûthamaki Joashi agurarîtue mûno. Atongoria ake nîmaavangire ûrîa makûmûraga na nîmaamûragire arî gwake ûrîrî. Maamûragire nîûndû nîwaûragithîtie Zekaria mûvîcî wa Jehoiada, mûthînjîri-Ngai. Kwoguo nîwakwire na makîmûthika îtûûrarî rîa Daudi, nwatî matiamûthika mbîrîrarî irîa ciathikagwa athamaki.

2Maû 26:23

Mûthamaki Uzia nîwakwire na akîthikwa mûgûndarî wa athamaki, nwatî ndaathikwa mbîrîrarî irîa ciathikagwa athamaki, nîûndû andû nîmaaugire atîrî, “Arî na mûrimû mûcûku wa ngothi.” Nake Jothamu, mûvîcî nîwatuîkire mûthamaki vuva wake.

2Maû 28:26

Maûndû marîa mengî monthe marîa eekire na mîthiîre yake yonthe arî mûthamaki kuuma Kîammbîrîria nginya mûthiia, nîmandîke îvukuurî rîa ng'ano cia athamaki a Juda na a Isiraeli.

2Maû 28:27

Mûthamaki Ahazi nîwakwire na akîthikwa îtûûrarî kûu Jerusalemu, nwatî ndaathikwa mbîrîrarî irîa ciathikagwa athamaki a Isiraeli. Nake mûvîcî Hezekia nîwatuîkire mûthamaki vuva wake.

2Maû 33:20

Manase nîwakwire na akîthikwa mûciî wa mûthamaki. Nake mûvîcî Amoni nîwatuîkire mûthamaki vuva wake.

Nthi 10:7

Andû nîmakenaga makîririkana mûndû ûrîa ûkuîte arî mûthingu, nwatî mûndû ûrîa mûcûku akua nîariganagîra.

Jeremia 22:18

“Kwoguo ûvoro wîgiî Jehoiakimu mûvîcî wa Josia mûthamaki wa Juda, Ngai-Mûnene arauga atîrî: Gûtirî mûndû ûkaamûcakaîra akiugaga, ‘Ûûi mûrwaiya! Kana ûûi mwarwaiya! Gûtirî mûndû ûkamûrîrîra akiugaga, Ûûi mwathi wakwa! Ûûi mûthamaki wakwa!’

Jeremia 22:28

Nîkwa Konia anyararîtwe ta nyûngû nguû, îrîa gûtarî mûndû ûrî vata nayo? Nîndûî gîtûmîte ke na ciana ciake mavirwa îthamîriorî, vûrûrirî ûrîa mataicî?