2Maû 21:14 - ÎVUKU RÎA ÛVORO MWARO

¹⁴ Kwoguo, Ngai-Mûnene nî agûtûma mûthiro ûgwate andû aku, ciana ciaku, aka aku na indo cionthe ciaku.

2Maû 21:14 ပူးပေါင်းရင်းမြစ်များ

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

2Maû 21:13

Nwatî wîthîrîtwe ûkîrûmîrîra mîthiîre ya athamaki a Isiraeli na nîwatûmire andû a Juda na a Jerusalemu matige kwîvoka Ngai, wata ûrîa Ahabu na athamaki a mûciî wake andû a Isiraeli matiga gûtuîka evokeku kûrî Ngai. We nîwaûragire aa mûrwanyûkwe arîa mwaciaranîrîtue nao na maarî aro gûgûkîra.

2Maû 21:15

Nawe nîûkaagwatwa nî mûrimû mûcûku mûno mararî maku, ûrîa ûkaathiî ûgîgûcûkagîra wa mûthenya wa mûthenya nginya mara maku maume.”

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Alawi 26:21

“Ethîrwa nî mûkaathiî na mbere kûregana nanie na mûrege kûmbathîkîra nî ngaamûverithia maita mûgwanja makîria ya mevia menyu.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.