2Maû 21:11 - ÎVUKU RÎA ÛVORO MWARO

¹¹ Wana nîwarûthîte kûndû gwa kûgoocagîra ngai cia mûvuanano irîmarî cia Judea. Nîwatûmire andû a Juda na a Jerusalemu mevîrie Ngai-Mûnene.

2Maû 21:11 ပူးပေါင်းရင်းမြစ်များ

1Atha 11:7

Solomoni nîwatumire vandû vatûgîru va kûgoocagîra Kemoshi, ngai îrîa îrî mûgiro ya Moabu, na vandû vatûgîru va kûgoocagîra Moleku, ngai îrîa îrî mûgiro ya Aamoni mwena wa îrathîro wa Jerusalemu.

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

1Atha 14:9

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.

2Atha 21:11

“Rîu nîûndû Manase, mûthamaki wa Juda nîwîkîte maûndû mama macûku, na ageka maûndû macûku wana gûkîra marîa monthe meekirwe nî Amori, arîa maarî mbere yake, na agatûma andû a Juda mevie magîtûmîra mîvuanano yake;

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

2Maû 21:10

Kuuma vîndî îo nginya ûmûnthî vûrûri wa Edomu ûtûûraga ûreganaga na wathani wa Juda. Kavindarî wa kau, andû a Libuna wa nao nîmaareganire na wathani wa Jehoramu mûthamaki wa Juda nîûndû Jehoramu nîwatiganîrîtie Ngai-Mûnene, Ngai wa methe make.

2Maû 21:13

Nwatî wîthîrîtwe ûkîrûmîrîra mîthiîre ya athamaki a Isiraeli na nîwatûmire andû a Juda na a Jerusalemu matige kwîvoka Ngai, wata ûrîa Ahabu na athamaki a mûciî wake andû a Isiraeli matiga gûtuîka evokeku kûrî Ngai. We nîwaûragire aa mûrwanyûkwe arîa mwaciaranîrîtue nao na maarî aro gûgûkîra.

2Maû 33:9

Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Isaia 65:7

nîûndû wa mevia mao na nîmaverithîrie mevia ma methe mao. Nîûndû nîmaavîvagîria ûbani îgûrû rîa irîma, na makanumaga marî îgûrû rîa tûrîma. Kwoguo nîmaverithia viû nîûndû wa maûndû marîa meekire tene.”

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 23:11

“Mwarwang'ina Oholiba ona ûndû ûcio nîwatuîkire mûcûku gûkîra Ohola na akîrirîria ûmaraa gûkîra wa mwarwang'ina.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Alawi 20:5

nie mwene nîngaaverithia mûndû ûcio vamwe na andû a mûciî wake wana andû onthe arîa matarî evokeku kûrî nie na magoocaga Moleku, ngai ya mûvuanano. Nîngaamûrania andû acio na andû akwa.

Habakuku 2:15

Kaî wî na thîna-î! We ûtûmaga andû arîa mûriganîtie nao manyuîre gîkombe Kîam marakara maku, na ûgatûma marîwe nîguo ûvote kwona njaga yao.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.