2Maû 20:7 - ÎVUKU RÎA ÛVORO MWARO

⁷ Ngai wetû, vîndî îrîa andû a Isiraeli maatonyire vûrûrirî ûyû, kinthî ndwengatire andû arîa maatûûraga kuo na ûkîûva njiarwa cia Iburahimu, mûrata waku nîguo ûtuîke wao tene na tene?

2Maû 20:7 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 20:8

Nîmaatûûrire vûrûrirî ûyû na magîgûtumîra hekarû nîguo ûgoocagîrwe kuo na makiuga atî,

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 33:2

Nîngûtûma mûraika amûtongorie na nîngwîngata Akanaani, Amori, Ahiti, Aperizi, Ahivi, na Ajebusi.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Isaia 41:8

“Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Johana 11:11

Jesû arîkia kuga ûguo nîwacokire akiuga atîrî, “Mûrata wetû Lazaro nîkwa amamîte nwatî nîngûthiî kûmûkîria.”

Johana 15:15

Nie ndigûcoka kûmwîta ndungata rîngî, nîûndû ndungata ndîthagîrwa îkîmenya ûrîa mûmîathi areka. Vandû va ûguo nînîmwîta arata, nîûndû nînîmûmenyithîtie maûndû monthe marîa mbîguîte kuuma kûrî Vava.

Gûco 4:38

Ke nîwengatire andû a mavûrûri manene na maarî na vinya kûrî mue, nîguo amûvire kuo na amûve vûrûri ûcio wao ûtuîke wenyu ta ûrîa gwîkariî ûmûnthî.

Jakuvu 2:23

Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.

Josh 1:6

Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 23:9

Nîmwatharîkîre ndûrîrî ciarî na vinya na nene na Ngai-Mûnene nîwaciîngatire. Gûtirî rûrîrî wana rûmwe rwavotire kûmwîtirîria.

Josh 24:13

Nie namûveere vûrûri mûtaarutîrîte wîra na ngîmûva matûûra manene mûtaatumîte. Kûu nîkuo rîu mûtûûraga. Nîmûrarîa thavibu kuuma mîthaviburî mûtaanavanda na nîmûrarîa ndamaiyû kuuma mîtamaiyûrî mûtaanavanda.’

Josh 24:3

Nînaacokire ngîruta Iburahimu îthe wenyu wa tene mûringo wa rûnjî rwa Farati ngîmûvîtûkîrîria vûrûrirî wa Kanaani na nînaamûvere njiarwa nyîngî. Nînaamûvere Isaka,