2Maû 20:37 - ÎVUKU RÎA ÛVORO MWARO

³⁷ Eliezeri mûvîcî wa Dodavahu wa kuuma îtûûrarî rîa Maresha, nîwarathire maûndû na agîkaania Jehoshafati akîmwîra atîrî, “Nîûndû nîmwanyitanîra na Ahazia, Ngai-Mûnene nîagûcûkangia indo icio mûrûthire.” Meri icio nîciacûkangire na itiavota kûthiî Tarishishi.

2Maû 20:37 ပူးပေါင်းရင်းမြစ်များ

1Atha 22:48

Mûthamaki Jehoshafati nîwatumire meri cia Tarishishi cia kûgîra thaavu vûrûrirî wa Ofiri; nwatî meri icio itiathiî nîûndû nîciaunîkangîre Ezioni-geberi.

2Maû 11:8

Gathu, Maresha, Zifu,

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 20:36

Jehoshafati na Ahazia nîmaarîkanîre matume meri cia kûthiîcaga Tarishishi. Meri icio ciatumîrwe Ezioni-geberi.

2Maû 21:1

Jehoshafati nîwakwire na akîthikwa mbîrîrarî irîa ciathikagwa athamaki îtûûrarî rîa Daudi, nake mûvîcî Jehoramu nîwatuîkire mûthamaki vuva vake.

2Maû 9:21

Meri cia mûthamaki ciathiîcaga Tarishishi ikîmenyagîrîrwa nî ndungata cia mûthamaki Huramu. Vuva wa mîaka îthatû, meri icio nîciaretaga thaavu, sîlûva, mîguongo, nthinwa, na ngoroi kuuma Tarishishi.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Ahib 12:6

Nîûndû Mwathani arûngaga mûndû wa wonthe ûrîa endete, na nîaverithagia mûndû wa wonthe ûrîa amûkagîra ta mwana wake.”

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.