2Maû 20:24 - ÎVUKU RÎA ÛVORO MWARO

²⁴ Rîrîa athigari a mbaara a Juda maakinyire vandû vatûgîru kûu werûrî, nîmaaroririe nîguo mone andû acio eengî ûguo, nwatî moonire ciimba cia andû inyagarûkîte werûrî. Gûtirî wanarî ûmwe wavonokete.

2Maû 20:24 ပူးပေါင်းရင်းမြစ်များ

2Atha 19:35

Ûtukû ûcio, mûraika wa Ngai-Mûnene nîwathiîre kûrîa andû a Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko Kîam mûthenya ûcio wîngî, nîmeethîrîrie athigari acio onthe marî akuû!

1Maû 5:22

Nîmaaûragire andû a Hagiri eengî nîûndû nîmaatethagua mbaararî nî Ngai. Nao nîmaatûûrire vûrûrirî ûcio nginya rîrîa maavirirwe îthamîriorî.

2Maû 20:23

Andû a Aamoni na a Moabu nîmaatharîkîre athigari a Edomu na makîmaûraga onthe. Marîkia kûraga andû a Edomu, nîmaacokire makîambîrîria kûragana o ene.

2Maû 20:25

Mûthamaki Jehoshafati na athigari ake nîmaathiîre gûtava indo kuuma kûrî andû acio na nîmethîîre ng'ombe nyîngî, indo ciîngî, nguo na indo cia goro. Indo icio ciarî nyîngî mûno irîa maaûnganîtie îvinda rîa mîthenya îthatû nwatî matiavota gûikuua cionthe.

Ezira 9:14

Anga nwatûthiî na mbere kuna maathani maku rîngî na andû etû mavikie erîtu ao, kana erîtu etû mavikue nî andû aya acûku û na mekaga maûndû marî magigi? Na kinthî ndûngîrakara nîtue na ûtûcûkangie viû na kwîthîrwe gûtarî mûndû ûgûtigwa arî mwoyo.

Thaburi 110:6

Nîagaatuîra ndûrîrî ciira, na ecûrie kûrîa kûrûagîrwa mbaara na ciimba, na nîakaavoota athamaki a nthî yonthe.

Ntha 14:28

Manjî nî maacokire magîkunîkîra ngari cia mbarathi, atwari a cio, na athigari a mbaara onthe arîa marûmîrîrîtie andû a Isiraeli îriarî. Gûtirî wana ûmwe watigarire.

Ntha 14:30

Mûthenya ûcio Ngai-Mûnene nîwavonokirie andû a Isiraeli kuuma kûrî andû a Misiri. Nao andû a Isiraeli nîmoonire andû a Misiri mamamîte rûtere rwa îria marî akuû.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Jeremia 33:5

Andû nîmaakageria kûrûa na Akalidei, nwatî matikavota nîûndû marima ma kwîthitha nî magecûra ciimba cia andû arîa ngaûraga nîrî na marakara na mang'ûrîka. Nîngamatiganîria nîûndû wa wîvia ûcio wonthe mekîte.