2Maû 20:23 - ÎVUKU RÎA ÛVORO MWARO

²³ Andû a Aamoni na a Moabu nîmaatharîkîre athigari a Edomu na makîmaûraga onthe. Marîkia kûraga andû a Edomu, nîmaacokire makîambîrîria kûragana o ene.

2Maû 20:23 ပူးပေါင်းရင်းမြစ်များ

Kîam 14:6

na Ahori arîa maarî kîrîmarî Kîam Edomu, na makîmarûmîrîria nginya Eliparani rûtere rwa werû.

2Maû 20:24

Rîrîa athigari a mbaara a Juda maakinyire vandû vatûgîru kûu werûrî, nîmaaroririe nîguo mone andû acio eengî ûguo, nwatî moonire ciimba cia andû inyagarûkîte werûrî. Gûtirî wanarî ûmwe wavonokete.

2Maû 21:8

Vîndî ya ûthamaki wa Jehoramu, andû a Edomu nîmaamûkanire na wathani wa Juda na makîgîa na ûthamaki wao.

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Ezek 38:21

Nîngaatûma Gogu agîe na maûndû ma kûmûmakia ma mîthemba yonthe. Andû aku nîmagaaûkanîrîra wa mûndû arûe na mûndû ûrîa wîngî. Nînie Mwathani Ngai-Mûnene mbugîte ûguo.

Hagai 2:22

kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

Gûco 2:5

Nwatî mûtikarûe nao nîûndû nie ndikaamûva wanarî îkinyo rîmwe rîa vûrûri wao. Nie nîmvete njiarwa cia Esaû vûrûri wa Edomu ûtuîke wao.

Josh 24:4

nake Isaka ngîmûva Jakovu na Esaû. Nînaagaîre Esaû vûrûri ûrîa ûrî irîma wa Edomu ûtuîke wake, nwatî îthe wenyu wa tene Jakovu na njiarwa ciake nîmaathiîre Misiri.

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

1Sam 14:20

Kwoguo Saûlo marî na arûme onthe arîa maarî nake nîmaaûnganire vamwe na makîthiî kûrûa na Afilisiti. Nao rîrîa maakinyire kuo nîmeethîrîrie Afilisiti magîtemanganaga o ene nîûndû kwarî na kîvîngîcî kînene mûno.