2Maû 20:22 - ÎVUKU RÎA ÛVORO MWARO

²² Rîrîa maambîrîrie kwina, Ngai-Mûnene nîwatûmire athigari a mbaara a Aamoni, Moabu na a Edomu arîa maaûkîte kûtharîkîra andû a Juda mavîngîcîke na nîmaavootirwe.

2Maû 20:22 ပူးပေါင်းရင်းမြစ်များ

2Sam 22:4

Ngaagîra Ngai-Mûnene, ûrîa wagîrîrwe nî kûgoocwa! Nîamvonokagia kuuma kûrî nthû ciakwa.

2Atha 6:17

Elisha nîwacokire akîvoya atîrî, “Ûûi Ngai-Mûnene, nakûthaitha ûmûvingûre metho nîguo avote kwona.” Kwoguo Ngai-Mûnene nîwavingûrire metho ma ndungata îo na îkîvota kwona. Nîyonire kîrîma gîcûrîte mbarathi na ikaari cia mbaara irigicîrîtie Elisha.

2Maû 13:13

Vîndî îo Jeroboamu nîwatûmîte athigari amwe ake makatharîkîre athigari a Juda na mwena wa vuva, nao athigari acio engî ake marî mwena wa mbere.

2Maû 13:15

Athigari a Juda nîmaacokire makiugîrîria na mûgambo wa mbaara. Nao nîmaatharîkîre na Ngai agîtûma Jeroboamu na athigari a Isiraeli mavootwe nî Abija na athigari a Juda.

2Maû 20:10

“Taroria, andû a Aamoni, a Moabu na a Edomu nîmatûtharîkîrîte. Rîrîa andû a Isiraeli maaumaga Misiri ndwametîkîria matonye mavûrûri mau. Kwoguo matiamacûkangia.

2Maû 21:8

Vîndî ya ûthamaki wa Jehoramu, andû a Edomu nîmaamûkanire na wathani wa Juda na makîgîa na ûthamaki wao.

2Maû 5:13

Aini a nyîmbo, ngita, ithaani irîa iringithanagua, tûrumbeta na indo irîa ciîngî cia kwina nîmaagwatanîre na makina na mûgambo ûmwe magîkumia Ngai-Mûnene na kûmûcokeria ngatho makiugaga atîrî, “Kumiani Ngai-Mûnene nîûndû nî mwaro, wendo wake ûtathiraga nî wa tene na tene.” Hekarû ya Ngai-Mûnene nîyecûrirwe nî îtu,

Thaburi 18:4

Naathiûrûrûkîrîtue nî mîtego ya gîkuû mîena yonthe, naatharîkîrîtwe nî ivuvûkanio cia kûnjûkangia.

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Ezek 38:21

Nîngaatûma Gogu agîe na maûndû ma kûmûmakia ma mîthemba yonthe. Andû aku nîmagaaûkanîrîra wa mûndû arûe na mûndû ûrîa wîngî. Nînie Mwathani Ngai-Mûnene mbugîte ûguo.

Josh 6:16

Mathiûrûrûka rita rîa mûgwanja, athînjîri-Ngai nîmaavuvire tûrumbeta. Nake Joshua nîwathire andû na akîmera maugîrîrie. Nîwacokire akiuga atîrî, “Ngai-Mûnene nî atûvete îtûûra rîîrî!

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

1Sam 14:16

Nao arangîri a Saûlo marî Gibea kûu vûrûrirî wa Benjamini nîmoonire Afilisiti makîvinyûra mîena yonthe marî avîngîcîku.

1Sam 14:20

Kwoguo Saûlo marî na arûme onthe arîa maarî nake nîmaaûnganire vamwe na makîthiî kûrûa na Afilisiti. Nao rîrîa maakinyire kuo nîmeethîrîrie Afilisiti magîtemanganaga o ene nîûndû kwarî na kîvîngîcî kînene mûno.