2Maû 20:19 - ÎVUKU RÎA ÛVORO MWARO

¹⁹ Nao andû a mûvîrîga wa Lawi a mbarî ya Kohathu na ya Kora, nîmaarûngamire na magîkumia Ngai-Mûnene, Ngai wa Isiraeli maugîrîrîtie mûno.

2Maû 20:19 ပူးပေါင်းရင်းမြစ်များ

1Maû 16:42

Hemani na Jeduthuni maarî na wîra wa kûvuva tûrumbeta, kûringithania ithaani, na indo ciîngî irîa ciavûthagîrwa vîndî ya kwina nyîmbo cia gûkumia Ngai-Mûnene. Avîcî a Jeduthuni nîmaathuurirwe matuîke arangîri.

1Maû 16:5

Asafu ûrîa waringithanagia ithaani irîa igambaga nîke wathuurirwe arî mûtongoria, nake Zekaria nîke wamûtethagia. Nao Jeieli, Shemirathothi, Jehieli, Matithia, Eliabu, Benaia, Obedi-edomu na Jeieli nîo maavûraga ngita na mîtûrirû.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

2Maû 20:18

Mûthamaki Jehoshafati nîwenamîrîre na agîturumithia ûthiû wake nthî, nao andû onthe a Juda na a Jerusalemu nîmeenamîrîre na magîturumithia mothiû mao nthî na makîgooca Ngai-Mûnene.

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

2Maû 5:13

Aini a nyîmbo, ngita, ithaani irîa iringithanagua, tûrumbeta na indo irîa ciîngî cia kwina nîmaagwatanîre na makina na mûgambo ûmwe magîkumia Ngai-Mûnene na kûmûcokeria ngatho makiugaga atîrî, “Kumiani Ngai-Mûnene nîûndû nî mwaro, wendo wake ûtathiraga nî wa tene na tene.” Hekarû ya Ngai-Mûnene nîyecûrirwe nî îtu,

Nehemia 9:4

Kwarî na vandû vatûgîru vaarûthîtwe va kûrûngamwa nî Alawi. Vandû vau nîvaarûngamîte Joshua, Bani, Kadimieli, Shebania, Buni, Sherebia, Bani, na Kenani na nîmaavoire Ngai-Mûnene, Ngai wao maugîrîrîtie.

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Thaburi 49:1

Mue andû onthe, tathikîrîriani ûndû ûyû, thikîrîriani, andû onthe arîa mûtûûraga nthî,

Thaburi 81:1

Inîrani Ngai, ûrîa arî ke vinya wetû mugîrîrîtie; kumiani Ngai wa Jakovu mûrî na gîkeno!

Ntha 6:24

Kora aarî na anake athatû. Nao maarî: Asiru, Elikana, na Abiasafu. Aya nîo methe ma tene ma mwîrîga wa Kora.