2Maû 20:12 - ÎVUKU RÎA ÛVORO MWARO

¹² Ûûi Ngai wetû, verithia andû aya nîûndû tue tûtirî na vinya wa kûrûa na athigari aya eengî ûguo maûkîte gûtûtharîkîra. Tûtiîcî nîtwîka atîa, nwatî we nîwe twetererete ûtûtethie.”

2Maû 20:12 ပူးပေါင်းရင်းမြစ်များ

2Sam 14:11

Nake mûndûmûka ûcio nîwaugire atîrî, “Mwathi wakwa nakûthaitha wîvîte na Ngai-Mûnene, Ngai waku, atî mûndû wa mûciî wetû ûcio ûrenda kûrîvîrîria gîkuû Kîam mûvîcîwa na njîra ya kûûraga mûvîcîwa ûcio wîngî ndagwîka guo.” Nake Daudi nîwacokirie atîrî, “Nevîta na Ngai-Mûnene ûrîa ûtûûraga mwoyo, atî mûvîcîguo tîona ûûru wanarî vanini.”

1Atha 1:20

Mwathi wakwa, andû onthe a Isiraeli meetererete ûmeere nîûrîkû ûgaatuîka mûthamaki vuva waku.

2Atha 6:15

Rîrîa ndungata ya Elisha aaramûkire kîraûko na akiuma nja, nîwonire athigari a mbaara marî na mbarathi na ikaari cia mbaara marigicîrîtie îtûûra. Ndungata îo nîyacokire kûrî Elisha na îkîûria atîrî, “Ûûi mwathi wakwa! Nîtwîka atîa?”

2Maû 20:13

Vîndî îo arûme onthe a Juda na aka ao na ciana, maarûngamîte hekarûrî mbere ya Ngai-Mûnene.

Thaburi 141:8

Nwatî we Ngai-Mûnene, Ngai wakwa, nîwe nîîvokete. Njaragia ûgitîri kûrî we; ndûkandiganîrie ngua.

Thaburi 25:15

Metho makwa mekaraga maroretie Ngai-Mûnene vîndî cionthe, nîûndû nîamvonokagia kuuma mûtegorî.

Thaburi 43:1

We Ngai, nduîra atî ndirî na mavîtia, na ûnjirîrîre kûrî andû arîa matarî na ûûngai; mvonokia kuuma kûrî andû a maveeni na acûku!

Thaburi 7:6

Ûûi Ngai-Mûnene, rûngama na marakara maku! ûûkîrîre marakara ma nthû ciakwa. Ûka we Ngai wakwa, ûka ûndethie, nîûndû wendaga kîvooto kîrûmagîrîrwe.

Thaburi 7:8

We Ngai-Mûnene, nîwe ûtucagîra andû onthe, Ngai-Mûnene, nduîrîra kûringana na ûthingu wakwa, nîûndû gûtirî ûndû mûcûku mbîkîte.

Thaburi 9:19

Ûka, Ngai-Mûnene! ndûkareke andû mavootane! Rete andû a ndûrîrî varî we na ûmatuîre.

Thaburi 94:2

Rûngama, we ûtucagîra andû onthe ciira; verithia andû arîa etîi kûringana na ûrîa magîrîrwe!

Isaia 2:4

Ngai nîagaatuithania ciira gatagatî ka mavûrûri, na nîakeguîthania ndûrîrî nyîngî; magaatura mviû ciao cia njûra ituîke macembe ma mîraû, namo matumû mao matuîke tûviû twa gûcaa. Vûrûri ndûkaarûa na vûrûri ûrîa wîngî, kana merute kûrûa rîngî.

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Joeli 3:12

“Nwanginya mavûrûri mevarîrie; maûke Kîamndarî gîa îtuîro. Kûu nîkuo nie Ngai-Mûnene ngekara, kûu nîkuo ngekara ngîtuîra mavûrûri monthe ma nthî.

Jona 2:4

Neciragia naarî mwîngate kuuma kûrî we, na ndikona hekarû yaku ntheru rîngî.

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Atir 11:27

Nie ndikûvîtîrîtie, nwatî we nîûramvîtîria nîûndû wa kwenda tûrûe nawe. Tiga Ngai-Mûnene ûrîa arî ke mûtucanîri, atwithanie ûmûnthî gatagatî ka andû a Isiraeli na andû a Amoni.”

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.