2Maû 2:4 - ÎVUKU RÎA ÛVORO MWARO

⁴ Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 2:4 ပူးပေါင်းရင်းမြစ်များ

1Atha 5:5

Kwoguo rîu nîrenda gûtumîra Ngai-Mûnene, Ngai wakwa hekarû, wata ûrîa Ngai-Mûnene eerîre vava Daudi atî, ‘Mûvîcîguo, ûrîa ngeekarîria gîtî Kîam ûthamaki vuva waku nîke ûkandumîra hekarû.’

1Atha 8:18

nwatî Ngai-Mûnene nîwamwîrire atî, ‘Wana ethîrwa nîwendeete kûndumîra hekarû, nîwekire waro nîûndû wa gwîciiria ûguo,

1Atha 8:63

Solomoni nîwarutire ndegwa ngiri mîrongo îîrî na igîrî na ng'ondu ngiri îgana rîmwe rîa mîrongo îîrî irî matega ma thayû. Ûguo nîguo mûthamaki vamwe na andû onthe a Isiraeli maamûrire hekarû.

1Maû 22:5

Daudi nîwaugire atîrî, “hekarû îrîa mûvîcîwa Solomoni agaatumîra Ngai-Mûnene îkethîrwa îrî nene na nthaka na îkaagîa ngumo nthî yonthe. Nwatî ke nî mwîthî na tîmûmenyu maûndû marîa agîrîrwe nî kûmenya, kwoguo nînie ngûvarîria gûtumwa kwayo.” Nake Daudi nîwaûnganirie indo nyîngî mûno cia gûtuma hekarû mbere ya akua.

2Maû 13:11

Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

2Maû 2:1

Mûthamaki Solomoni nîwatwire nîagûtuma hekarû varîa Ngai-Mûnene akaagoocagîrwa wa vamwe na gûtuma nyomba yake ya ûthamaki.

Nehemia 10:33

Tûkaarutaga mîgate îrîa mîamûre, matega ma irio cia mûgûndarî ma wa mûthenya na matega ma kûvîvua, matega ma thavatû, kîrugo Kîam mweri wacicûka, na irugo irîa ciîngî, indo irîa ntheru, matega ma kûtheria mevia ma andû a Isiraeli, na ma wîra wonthe wa hekarû.

Thaburi 86:8

We Mwathani, gûtirî ngai îkariî tawe; gûtirî ngai yaneka ûrîa we wîkîte.

Thaburi 96:4

Ngai-Mûnene, nî mûnene na nîwagîrîrwe nî gûkumua mûno; nîagîrîrwe nî gwîtigîrwa gûkîra ngai cionthe.

Ntha 25:30

Nayo metha igwe mbere ya îthandûkû rîa kîrîkanîro. Na îgûrû rîayo vethagîrwe vîndî cionthe varî na mûgate ûrîa nyamûrîrîtwe.”

Ntha 30:7

Aroni akaavîvagîria ûbani mûnungi waro îgûrû rîa metha ya kîgongoona iraûko cionthe rîrîa agûka gwakia taa.

Nthi 7:20

Nîwakuire mbeca nyîngî, na agaacoka vuva wa ciumia igîrî.”