2Maû 2:16 - ÎVUKU RÎA ÛVORO MWARO

¹⁶ Tûgaagûtemera mîtî îrîa ûkwenda ya mîthithinda kuuma kîrîmarî Kîam Lebanoni na tûmîovanie na tûmikie manjîrî yûke nginya Jopa kûrî we. Nîûgaacoka ûmîvire Jerusalemu.”

2Maû 2:16 ပူးပေါင်းရင်းမြစ်များ

1Maû 22:2

Daudi nîwavecanire watho atî ageni arîa onthe matûûraga vûrûrirî wa Isiraeli magomane vamwe. Nîwavere amwe wîra wa kumia mathiga ma gûtuma hekarû ya Ngai.

2Maû 30:25

Andû onthe a Juda, athînjîri-Ngai, Alawi na andû onthe arîa maaumîte Isiraeli na ageni arîa maaumîte nja ya vûrûri wa Isiraeli na arîa maatûûraga Juda nîmaakenire mûno.

2Maû 8:7

Kûrî andû mataarî Aisiraeli maatigirwe matûûrage vûrûrirî ûcio. Andû acio maarî: Ahiti, Amori, Aperizi, Ahivi, na Ajebusi.

2Maû 8:8

Andû acio nî arîa mataathirua nî andû a Isiraeli. Mûthamaki Solomoni nîwamatuire a kûrutaga wîra wake wa vinya. Njiarwa cia andû acio itûûraga irutaga wîra wa vinya nginya ûmûnthî.

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Johana 1:3

Indo cionthe ciaûmbirwe nî Ngai na njîra ya Kiugo na gûtirî kîndû wana kîmwe Kîamûmbirwe Kiugo atarî vo.

Ciîko 10:32

Tûma mûndû athiî Jopa akagîre Simoni ûrîa wîtagwa Petero. Ke anyitîtwe ûgeni nî Simoni ûrîa ûthondekaga njûo na ûtûûraga rûtererî rwa îria.’

Ciîko 9:36

Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.

Ciîko 9:38

Na nîûndû kûu Lîda kwarî gûkuvî na Jopa, etîkia arîa maarî Jopa megua atî Petero aarî Lîda nîmaatûmire andû aîrî mathiî mamûthaithe makîmwîraga atîrî, “Wenda tu ûka gwetû narua.”

Ciîko 9:42

Naguo ûndû ûcio nîwamenyekanire Jopa kuonthe na andû eengî magîtîkia Mwathani.

Ciîko 9:43

Nake Petero nîwekarire kûu Jopa mîthenya mîîngî marî na mûndû wathondekaga njûo wetagwa Simoni.

Josh 19:46

Mejarikoni na Rakoni na vûrûri ûrîa warî vakuvî na Jopa.

Josh 9:27

Nwatî mûthenya ûcio Joshua nîwatuire andû a Gibeoni ngombo na nîmaatuîkire a kunagîra andû a Isiraeli ngû na kûmatavîra manjî na gûtavîra metha ya kîgongoona ya Ngai-Mûnene manjî. Nginya ûmûnthî ûcio nîguo wîra ûrîa matûûraga marutagîra vandû varîa vamûre va kûgoocera Ngai.