2Maû 2:15 - ÎVUKU RÎA ÛVORO MWARO

¹⁵ Kwoguo, tûtûmîre indo irîa watwîrîre. Indo icio nî: ngano, cairi, ndivei na maguta ma ndamaiyû.

2Maû 2:15 ပူးပေါင်းရင်းမြစ်များ

1Atha 5:11

nake Solomoni nîwavere Hiramu kilo ngiri mîrongo îîrî (20,000) cia ngano, na lita ngiri magana mana (400,000) cia maguta ma mîtamaiyû îrîa cia kûrîwa nî andû a nyomba yake. Solomoni eekaga ûguo wa mwaka wa mwaka.

2Maû 2:10

Nîngaakûnengera tani ngiri igîrî (2,000) cia ngano, cairi tani ngiri igîrî (2,000), lita ngiri magana mana (400,000) cia ndivei na lita ngiri magana mana (400,000) cia maguta ma ndamaiyû.”

2Maû 2:16

Tûgaagûtemera mîtî îrîa ûkwenda ya mîthithinda kuuma kîrîmarî Kîam Lebanoni na tûmîovanie na tûmikie manjîrî yûke nginya Jopa kûrî we. Nîûgaacoka ûmîvire Jerusalemu.”

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Isaia 60:13

Nîûkaareterwe riiri wonthe wa Lebanon: mîthithinda, mîcindanûgû na mîkarakava yonthe nîîkaretwe nîguo îgemie hekarû yakwa, nanie nîngaacoka nthakarie varîa mbîkaraga.

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Josh 19:46

Mejarikoni na Rakoni na vûrûri ûrîa warî vakuvî na Jopa.