2Maû 19:3 - ÎVUKU RÎA ÛVORO MWARO

³ Kûnarî ûguo, nîwonetwe ûrî na maûndû maro. Nîwathiririe mîvuanano ya Ashera, ngai ya mûndûmûka gûkû vûrûrirî îrîa andû maagoocaga na nîûgeretie mûno gûcaria wendi wa Ngai na ngoro yonthe.”

2Maû 19:3 ပူးပေါင်းရင်းမြစ်များ

1Atha 14:13

Andû onthe a Isiraeli nîmakaamûcakaîra macoke mamûthike. Nîke wenga kuuma mûciî wa Jeroboamu ûrîa ûkaathikwa, nîûndû nîke wenga tu ûkenetie Ngai-Mûnene, Ngai wa Isiraeli.

2Maû 11:16

Andû onthe vûrûrirî wa Isiraeli arîa maatuîte atî nîmakwenda kûgooca Ngai-Mûnene, Ngai wa Isiraeli nîmaarûmanîrîre na Alawi na makîthiî Jerusalemu nîguo makarute magongoona kûrî Ngai-Mûnene, Ngai wa methe mao.

2Maû 12:12

Nîûndû wa Rehoboamu kwînyivia, Ngai-Mûnene ndaamûcûkangia viû na vûrûrirî wa Juda gûtiarî na thîna.

2Maû 12:14

Rehoboamu nîwekire maûndû maarî macûku nîûndû ndaacaragia wendi wa Ngai-Mûnene na ngoro yake.

2Maû 15:12

Nîmaarûthire kîrîkanîro atî makaathîkagîra Ngai-Mûnene, Ngai wa methe mao na ngoro yonthe mwoyo wonthe.

2Maû 15:15

Andû onthe a Juda nîmaakenire nîûndû wa kîrîkanîro kîu maarûthire na ngoro yonthe. Nîmaamûcarîtie na ngoro yonthe na makîmwona. Nake Ngai-Mûnene nîwatûmire magîe na thayû mîena yonthe.

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

2Maû 20:33

Nwatî kûnarî ûguo, kûndû kûrîa kwavoyagîrwa ngai cia mîvuanano gûtiomomorwa na andû matiarî acokereru kûgooca Ngai wa methe mao na ngoro ciao.

2Maû 22:9

Nîwacokire akîthiî gûcaria kûrîa Ahazia aarî na nîwamwîthîrîrie ethithîte Samaria. Ahazia nîwavirirwe kûrî Jehu na Jehu nîwamûragire. Nao nîmaamûthikire nîûndû wa gîtîîo Kîam ûmawe mûthamaki Jehoshafati. Jehoshafati nîwathîkagîra Ngai-Mûnene na ngoro yake yonthe. Gûtirî mûndû wa mûciî wa Ahazia watigarîte ûngîatuîkire mûthamaki.

2Maû 27:6

Jothamu nîwagîre vinya nîûndû vîndî cionthe nîwathîkagîra Ngai-Mûnene, Ngai wake.

2Maû 30:19

arîa magaakûgooca we Ngai, Ngai-Mûnene, Ngai wa methe mao wana ethîrwa matetheretie kûringana na watho wa hekarû.”

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Thaburi 57:7

Ngoro yakwa nîîkindîrîtie, we Ngai; îni, ngoro yakwa nîîkindîrîtie! Nîngaakwinîra na ngûkumie!

Aroma 7:18

Nie nîmbicî atî ndaarî yakwa, ûguo nî kuga mwîrîrî wakwa ndirî na ûvoti wa gwîka waro. Nîûndû wana ethîrwa nîmendaga gwîka waro ndivotaga gûwîka.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”