2Maû 19:10 - ÎVUKU RÎA ÛVORO MWARO

¹⁰ Rîrîa andû enyu arîa matûûraga matûûrarî mao makaamûretera ciira îgiî kûûragana, kuna watho, maathani, kana matuîro ma ciira, nwanginya mûkaamataaraga waro nîguo matikaavîtîrie Ngai-Mûnene. Mwarega kûmataara, nîmakeevia na Ngai-Mûnene nîîkarakara nî mue wana andû enyu, nwatî mwamataara mûtikethîrwa mûrî na mavîtia.

2Maû 19:10 ပူးပေါင်းရင်းမြစ်များ

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 19:9

Nîwamerire atîrî, “Rutagani mawîra mau monthe mûgîîtigagîra Ngai-Mûnene na mûkîmwathîkagîra mûrî na wîvokeku na ngoro yonthe.

Ntha 18:16

Vîndî îrîa andû aîrî mavîtanîtie maûkaga kûrî nie, nanie ngamatuithania gatagatî ka mûndû na ûrîa wîngî, na nîmamenyithagia Maathani na mawatho ma Ngai.”

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Ndari 16:46

na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Ndari 17:11

Musa nîwekire wata ûrîa Ngai-Mûnene aamwathire.

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

Gûco 21:5

Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.