2Maû 18:14 - ÎVUKU RÎA ÛVORO MWARO

¹⁴ Rîrîa Mikaia aakinyire, mûthamaki nîwamûririe atîrî, “Mikaia, nîtwagîrîrwe nî kûthiî kûtharîkîra îtûûra rîa Ramothi-gileadi kana tûtiagîrîrwe?” Nake Mikaia nîwamûcokerie atîrî “Thiîni mûkarîtharîkîre na nîmûkûvootana. Ngai-Mûnene nîakûmûvotithia kûvootana.”

2Maû 18:14 ပူးပေါင်းရင်းမြစ်များ

1Atha 18:27

Rîrîa thaa thita cia mûthenya ciakinyire, Elija nîwambîrîre kûmathekerera akîmeeraga atîrî, “Voyani mugîrîrîtie mûno, nîûndû ke nî ngai! Nwaethîrwe arî na maûndû areciria, kana arî na kaûndû areka, kana nîmûthiîu rûgendo! Kana nwa ethîrwe amamîte, na nwanginya mûmûramûkie!”

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

1Atha 4:13

Benigeberi aathanaga îtûûrarî rîa Ramothi rîrîa rîarî Gileadi na icagi cia Gileadi cia mûvîrîga wa Jairi. Jairi aarî wa rûciaro rwa Manase. Nwa wathaga vûrûri wa Arigobu kûrîa Bashani na kûu nîkuo kwarî na matûûra mîrongo îtandatû marîa manene mairigîrîtwe na nthingo, na ivingo ciathondeketwe na cuuma cia gîcango.

2Maû 18:13

Nwatî Mikaia nîwaugire atîrî, “Wata ûrîa Ngai-Mûnene atûûraga mwoyo, ûrîa Ngai akambîra mbuge nîguo ngauga.”

2Maû 18:15

Ahabu nîwacokirie atîrî, “Ûrenda ngwîre maita megana, atî rîrîa ûkwaria nanie rîîtwarî rîa Ngai-Mûnene waragie ûma mûtheri?”

Mûvunjia 11:1

Iga mbeca ciaku wîrarî wa kûgûra na kwendia, nîûndû vuva wa mîthenya mîîngî nîikaagîa na maciaro.

Maca 4:21

Kena na ûcanjamûke we mwarî wa Edomu, wana mue mûtûûraga Uzi kenani, nwatî îvinda rîenyu rîa mathîna nîrîgûkinya, mûkathiîcaga mûgîtûgûgaga na mûrî njaga.

Mathaayo 26:45

Ke nîwacokire rîngî varîa arutwa maarî, na akîmeera atîrî, “Anga nginya rîu mûrî toro mûvurûkîte? Ta roriani! Îvinda nîrîakinya na Mûrû wa Mûndû nîakûnenganîrwa kûrî evia.