2Maû 18:13 - ÎVUKU RÎA ÛVORO MWARO

¹³ Nwatî Mikaia nîwaugire atîrî, “Wata ûrîa Ngai-Mûnene atûûraga mwoyo, ûrîa Ngai akambîra mbuge nîguo ngauga.”

2Maû 18:13 ပူးပေါင်းရင်းမြစ်များ

1Atha 22:14

Nwatî Mikaia nîwaugire atîrî, “Nevîta na Ngai-Mûnene ûrîa ûtûûraga mwoyo atî nie nîmbuga ûrîa Ngai-Mûnene akûmbîra mbuge!”

2Maû 18:12

Nake mûnjaama ûrîa watûmîtwe agete Mikaia nîwamwîrire atîrî, “Tathikîrîria, arathi acio engî onthe nîmarathîrîte mûthamaki maûndû maro, wa nawe rathîra mûthamaki maûndû maro ta arathi acio engî.”

2Maû 18:14

Rîrîa Mikaia aakinyire, mûthamaki nîwamûririe atîrî, “Mikaia, nîtwagîrîrwe nî kûthiî kûtharîkîra îtûûra rîa Ramothi-gileadi kana tûtiagîrîrwe?” Nake Mikaia nîwamûcokerie atîrî “Thiîni mûkarîtharîkîre na nîmûkûvootana. Ngai-Mûnene nîakûmûvotithia kûvootana.”

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Jeremia 42:4

Nake Jeremia nîwamacokerie atîrî, “Nîwaro nînegua; rîu nîngûvoya Ngai-Mûnene Ngai wenyu wata ûrîa mwambûria, na ûrîa wonthe akanjokeria nîngûmwîra, ndikamûthitha wanarî ûndû.”

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Ndari 22:35

Nwatî mûraika nîwacokerie Balaamu atîrî, “Thiî na andû aya, nwatî ûkaaragia tu maûndû marîa ngaakwîraga.” Kwoguo Balaamu nîwathiîre vamwe na andû acio.

Ndari 23:12

Balaamu nîwacokirie atîrî, “Mbagîrîrwe nî kuga ûrîa tu Ngai-Mûnene ambîra mbuge.”

Ndari 23:26

Nwatî Balaamu nîwacokerie Balaki atîrî, “Na kinthî ndiakwîrire atî ngeka ûrîa wonthe Ngai-Mûnene akambîra mbîke?”

Ndari 24:13

atî wana ûngîamvere nyomba yaku îcûrîte thaavu na sîlûva, ndingîekire ûndû ûreganîte na ûrîa Ngai-Mûnene aambathîte na njîra ya gwîka ûndû wakwa. Nie ngaragia wa ûrîa tu Ngai-Mûnene ambîrîte mbarie.”

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

1Akor 11:23

Kîrîra kîrîa namûveere nakîamûkîre kuuma kûrî Mwathani; atî Mwathani Jesû, ûtukû ûrîa aacukanîrîrwe nîwocire mûgate,

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

1Ath 2:4

Vingo cionthe twaragia ûrîa Ngai endaga, nîûndû ke nîwonete tûrî agîrîru na a kwîvokerwa Ûvoro Mwaro. Tûtiaragia nîguo tûkenie andû, nwatî twaragia nîguo tûkenie Ngai ûrîa ûthimaga wendi wa ngoro cietû.